Commentaar op het Hooglied (1975)

Commentaar op het Hooglied

(1975)–Anoniem Commentaar op het Hooglied– rechtenstatus

Auteursrechtelijk beschermd

Vorige Volgende


CLXXXIJ Hoe die bruut hair lief soect DIe bruut soect den brudegoom Als si inder scrift neemt goom Ende si proeft die rijcheit groot Die hi sonder wederstoot 5[regelnummer] Ontfermelijc ende goedertieren Verduldelijc in alre manieren Al wes opten sondair heuet Ende nochtan in quaetheit leuet Dat hine also lange spaert 10[regelnummer] Ende inden sonden niet veruaert Mer dat hi also langhe beit Dat hi ter doget wart geleit Ende in gode also becliuet Dat hi ewelike bliuet 15[regelnummer] Vast ende stade in die minne Dit soect die bruut mit sinne Mer sine cans gheuinden niet Volcomelijc dats hair verdriet Want in desen leuen nieman 20[regelnummer] Gods verholenisse vinden can Ic riep mer ghene andwoorde Gaf hi mi te minen woorde
[Folio W23va]
Dats dat ic mit begheringhe Begheerde ende bat sonderlinge 25[regelnummer] Hoe gods oirdel so siin verholen Ende uerburghen in allen scolen Wair om hi die quade verdraget So lange ende hi die goede veriaget Dicken uan hem ende hi die quade 30[regelnummer] Mit penitencie in ghenade Bringet entie goede verstoot Als hi mit sonden hem genoot Den enen bekeert den andren laet Des vragedic hem in minen staet 35[regelnummer] Mer hine antwoirde mi niet Dat was mire herten verdriet In desen soeken in desen pat Die wachtren die hoeden die stat Vonden mi dit sijn die gone 40[regelnummer] Die in gode siin ghewone Die siele berechten inder kerken Ende in goeden gheloue sterken Want die kerke is die stat Die god selue heeft ghesat 45[regelnummer] Dair al die kersten wel in wonen Die hem in gode willen tonen Si hebben mi ooc slaghe gegeuen Dats dat si mi uan sulken leuen Als uander werelt hebben ghetogen 50[regelnummer] Mit leren castien ende mit dogen Si hebben mi ooc mede ghewont Och dats hare een salige stont Als die siele ghesceiden wart Vander werelt als dat swairt 55[regelnummer] Dat wel sceit uanden vleesche Dit doet alder minnen eesche Die siele sceiden sonder blame Vander quader werelt hame Ooc hebben si mi ontoghen 60[regelnummer] Minen mantel dit moestic dogen ¶ Die mantel die de siele dect Is ghenoechte die hair strect
[Folio W23vb]
Bouen al in weelicheit Dit wart der sielen of gheleit 65[regelnummer] Bi prediken ende bi leren Als si om die minne ons heren Hair der werelt maket quijt So dat si al doghen lijt Ende niet en acht wat men hair doet 70[regelnummer] Des si allene in gode heeft spoet Die rechte wachters uan den mure Siin die gone die hebben cure Die maken die sielen bloot Vander werelt wederstoot 75[regelnummer] Want si bi dage ende bi nachten Altoes die salige siele wachten

Vorige Volgende