Commentaar op het Hooglied

CLXXXV Hair lief wijst den dochtren

Ende want die bruut ter eerster vragen
Den dochtren niet en can gewagen
Want sire onbegripelicheit
Doch antwoort si uan sire menscheit
¶ Die bruut spreect. miin lief is wit
Ende root nu merct wel dit
dilectus meus candidus
et rubicundus electus ex
milibus lxxxvj
¶ Hoe die bruut nader menscheit
Des brudegoms genade seit
Vander gheboorten is hi wit
Ende altoes sonder sonden smit
Leuede hi na reinen airt
Als hi uan m[arie]n wairt
Ontfangen ge[dr]agen ende gheboren
Van witheit g[ae]t hi te voren
Vut alle die dat ye mensche wairt
Heuet hi sonder vlecke aert
Ende hi was uan bloede root
Ant cruce inder bitter doot
Nie wart mensche siin ghelike
Des spreect die bruut uoort iverlike
Vte dusenden allene vercoren
Want wi die waren al verloren
Worden bi hem allene verloest
Anders had wi ghenen troest
Bi dusenden is ons gheseit
Alre tale uolcomenheit
Enghelen patriarken vadren
Propheten coningen alle gadren
Waren niet bi hem allene
Des was hi uut al gemene
Vercoren in onser salicheit

[fol. B41vb]

 

Dese drie pointen siin gheseit

 

Vander bruut te sinen prise

 

Voirt spreect si uan hem als die wise

 

¶ Talre beste gout dat is

 

Dat is siin houet sijts gewis

40

caput eius aurum

 

optimum lxxxvij

 

¶ Cristus houet dat is god

 

Die vader dats der ioden spod

 

Want die ioden en willen niet

45

Dat cristus heuet der godheit yet

 

Ia hi is wair mensche ende god

 

Des spreect die iode als een sod

 

Cristus is der kerken houet

 

God uader tsine des gelouet

50

Want ghelike dat matael

 

Den goude niet gheliket wael

 

Van scone uan alre duerbairheit

 

So is die godheit voir gheleit

 

Buten al dat ie ghewairt

55

In onbegripeliker airt

 

¶ Siin haren siin als die vutlaten

 

Vanden palmen wel mit saten

 

Mer si siin swart als rauen

 

come eius sicut elate pal\marum

60

nigre quasi coruus lxxxviij

 

¶ hier moet wi nader glosen grauen

 

Des moet wi ulitelike roeken

 

Sulwi dese glose soeken

 

Dat wi merken wel den sin

65

Die dese lettre heuet in

 

Tien lede an den brudegom

 

Prijst hair die bruut des neemt gom

 

Ende bi elken si toghet

 

Openbairlijc sine doget

70

Dair om sulwi mede verstaen

 

Dat der heiligher kerken aen

 

Hanghen tienderhande leuen

 

Die al in duechden siin verheuen

 

Teerste lit is dat houet //

[fol. W24ra]

 

// Hoemen gode soeken sal

 

Ende wiene vindet ouer al

 

Dat is hier uoren al geseit

 

Ende dat capitel wel besceit

5

Datmen inden andren boeke

 

Vinden mach mit rechter soeke

 

Ic hebben in miin beddekiin

 

Ghesocht die mint die siele mijn