Commentaar op het Hooglied


CXCVIII Die derde graet VAnden maechden ouer al Machmen scriuen geen getal Mer men mach dair of die glose Hier beduden sonder nose 5[regelnummer] Die maechden siin al gods kinder Beide meerre ende minder Out ende ionc arm ende rike Die altoes ootmoedelike In rechten gheloue in gode staen 10[regelnummer] Ende hem uan minnen niet of gaen Leuen werken al in gode Houden gairne sine gebode Ende wat hem toe comet nemen si Om gods minne ende sijn dair bi 15[regelnummer] Verduldich: want si uan gode niet Sceiden ooc wats ghesciet Wie soude dit ghetal uan desen Emmer connen ouer lesen Dair om laten wi dit nv staen 20[regelnummer] Wi willen voort ten andren gaen ¶ Ene is die duue mijn Ene uolmaecte ende rechte fijn Al ist sake datter vele Coninghinnen ende ghespele 25[regelnummer] Siin die ter kerstenheit Horen: doch heuet hier geseit Die brudegom: dat niet en is Sine duue sijt seker dis Die hi sine duue hier heit 30[regelnummer] Dats om hair eenuoudicheit
[Folio W25rb]
Ende si is ene al volmaket Dats in duechden wel gheraket Hare moeder is si een Die gracie gods is dat ic meen 35[regelnummer] Alhier die rechte moeder is Der kerstenheit ghemeen gewis Merket dat alle salicheit Van gode comt mit enicheit Dattie gracie gods allene 40[regelnummer] Is moeder der kerstenheit gemene Dats want god heeft nv vercoren In gracien dat al was verloren