Chiromantie

Dits vanden slaghe vander hant.

¶ Nu es te segghene vanden slaghe vander hant Als in den berch onder de tafel linie die men noemt de slach van der hant siin vonden linien wederkerende die effene staen ende groet siin ende wel gheverwet ende wel achtervolgende niet dor loepen met andren linien. dit bediedt dat een mensche geeft goede vriende. Ende also vele alse min blicken Soe heeft hire min. Ende also vele te meer alsi ter tafel linie ghaen. Soe .b. te meer vriende. ja vriende die niet ne siin van sinen conincrike. Ende also vele meer alse dese vorseide linien comen ten arme wert ane. So .be. also vele meer na vriende van sinen rike of van sinen geslachte. Ende als dese linien oppenbaerlec dorslaghen siin So .be. impediment van den vorseiden

[p. 202]

dinghen. ¶ Nu so eist vande viren principael linien gesproken. dats te wetene vander linie vanden levene. ende van der middel linie vanden driehoecke ende van den fondamente ende vander tafel linie. ende vande V berghen ende vanden slaghe vander hant met den welken die driehoec es besloten ¶ Ende dit es gheseit ende bescreven also na als men mach van alden linien diere vorseit siin. Ende dit es dende vanderre scientie Explicit. Expliceat. scriptor lusum eat. Qui scripsit scripta sua dextra sit benedicta. Dexteram scribentis benedicat lingua legentis.