Drie schandaleuse spelen

Regelnummers proza verbergen

X

1⁺ hans leers scoenmakere woenende jnder voirs stadt oudt xxvij jaeren 2oft daeromtrent gedaeght ende geedt etc. als voere seeght dat hij de- 3ponent js geweest omtrent iij maenden geleden opte visschmerct jn deser 4stadt oft in oostenrijcke oft jnden bonten os nyet wetende dwelck van 5beyden aldaer een ander jongen was dien hy deponent nyet en kende 6noch by naeme noch anderssins noch oick alnoch nyet en kent ende 7hoirende dat hy die tuycht eenige Refereynen seeghde / zoe begheerde 8hy de zelue te hebbene hy zoude hem een spel van twee personnaigien

+ Fol. 252

[p. 85]

9geuen daer mede hy deponent te vreden was ende zoe eest geschiet dat 10hy deponent heeft van den voirs jonge een boecxken gehadt daer jnne 11tselue spel gescreuen stont dwelcke hy simon hoochbossch oft hobboch 12wesende een legwercker woenende omtrent den baert aenden sauele 13heeft gegheuen diet voirts heeft doen vytscryuen ende daernae hebben 14zy tvoirs spel den facteur vanden cranse daer zy beyde jn zyn laten 15sien die henlyden heeft belast dat zyt van buyten zouden leeren om 16te spelen / nyet wetende hy deponent datter yet quaets jnt voirs 17spel zoude zyn dwelcke by een vanden coraelkens van onsser vrou- 18wen opten sauel js gescreuen geweest vyten voirs boecxken zoe de 19voirgenoemde simon dat beter zal weten te verderen / Seggende des 20gevraeght dat hy deponent nyet een woirdt anders gespeelt en heeft 21dan de voirs rolle dat jnne en houdt ende daerjnne dat by hueren 22facteur nyet met allen en js verandert dat hy deponent weet / wesende 23de zelue die wy den deponent alsnv hebben gethoont / Ende seeght 24dat hy pauwelssen thielemans die een out man js heeft hoiren seggen 25dat hy tvoirs spel ouer menich jaeren selue heeft gespeelt ende dat 26hy tselue by nae van buyten conste

27Gevraeght oft tvoirs spel dwelck hy deponent seeght een tafel spel 28te zyne nyet en staet jn eenige vanden boecken oft rollen onder 29de camere vanden crans berustende seeght dat hy meijndt dat tselue 30onder den crans nyet en js geweest / verclerende oyck dat hy den 31jongen die hem tvoirs boecxken geleent heeft zedert gheen geselscap 32en heeft gehouden noch oic gesproken maer heeft hem wel eens sien 33passeren ende dat zoe hem dunckt jnde berchstrate zonder hem anders 34te kennen zoe hy voere geseyt heeft Ende anders etc.

Johannes leers