Drie schandaleuse spelen

Regelnummers proza verbergen

XVII

1⁺ Leon de fuytere lantmetere woenende jnder voirs stadt oudt xxxij 2jaeren oft daer omtrent gedaeght by jannen de raymakere Seeght 3onder eedt dat Jan de fuytere contrerolleur syn broeder omtrent vij 4weken js gehillicht geweest ende soe js hy wel jndachtich dat om 5zynen voirs broedere metten geselscape eere aen te doene / hy hem 6heeft opte caemere vander Rethorycken vanden boecke jn deser stadt 7geuonden alwaer hy een battement sach spelen van drye person- 8naigen daer aff deen gelayen was met pluymen ende dander met 9keyen ende de derde was een scippere dwelcke heel belachelyck was / 10ende wanter jongers waeren opter caemeren [Fol. 256] dye vanden 11eedt nyet en waeren maer vuyt genoechten tvoirs spel speelden soe 12wasser een prologue gemaect die onder ander jnhiel dat Rethorica

+ Fol. 255^v

[p. 89]

13was benyt ende dat men die selue wilde te nyeuwte doen nyet temin 14al waest soe datmen noch liefhebbers vander seluer rethorycken vandt 15met gelycken woerden /

16Seeght dat opten dach smorgens als zyns deponents broedere houwde 17hy deponent js gegaen by die voirs personnaigen op dat zy des 18auonts tvoirs spel souden coemen spelen jnde bruijloft ende mits dat 19de sone jnden sluetel opte hoochstraete die deen personnaige was hem 20secreet moeste houden als tegenwoerdich geweest zynde daer een 21affliuich gemaect was soe en consten dander twee tvoirs spel nyet 22gespelen mits den welcken hy deponent bat dat zy dan yet anders 23souden coemen spelen dwelcke zy deden ende hebben ter seluer tyt 24ouer taefelen de voirs prologue met twee personnaigen gespelt ende 25daer nae jsser een personnaige van een out man gecoemen die vader 26van Rethorica was / ende daer nae jsser jnt spel geweest vyff per- 27sonnaigien wel verstaende dat de gene die vader van Rethorica was 28naemaels de personnaige van eenen priestere heeft gespeelt wesende 29alsoe alleenlyck vier persoonen die tvoirs spel ende prologue hebben 30gespeelt / nyet onthouden hebbende den sin oft substantie vanden 31seluen spele / dan weet dat swaer ende nyet [Fol. 256^v] genoeche- 32lyck en was sulcx dat hadden hy van te voeren geweten dat zy 33sulcken spel souden hebben ghespeelt dat hys nyet gheren en soude 34hebben laeten spelen ende zyn de personnaigien die tzelue gespeelt 35hebben Jan van maldere legwerckere nyet wetende waer hy woent / 36Jan matheeus oudtcleercoopere / aen sinter claes woenende / Gabriel 37...... ende een scoteleren woenende aen sinter claes merct op eenen 38hoeck wesende een jonck geselleken alle welcke persoonen syn arm 39bloeders ende heel slechte persoonen seggende des gevraeght dat hy 40heeft hoiren seggen dat tvoirs spel wel ouer xl oft l: jaeren soude 41noch gespeelt syn geweest nyet wetende waer zy tzelue spel gere- 42couureert hebben gehadt Seggende oyck hy deponent dat hy metten 43voirs persoonen noyt sunderlinge conuersatie oft handelinge en heeft 44gehouden ende alsoe van hueren leuen ende regimente gheen ander 45attestatie en can gedoen /.

46Seeght dat de voirs persoonen daer nae meer dan thien malen by hem 47deponent syn gecoemen / synde seer droeue doen zy gehoert hebben 48dat tvoirs spel qualycken genoemen was biddende hem deponent dat 49hy den prochiaen van sinter goedelen die tvoirs spel hadde hoiren 50speelen soude willen spreken ende hem bidden dat hys nyet te kennen 51en soude geuen wesende soe bedroeft dat hy deponent genoech te 52doene heeft gehadt om hen hier jnde stadt [Fol. 257] te houden 53welcke persoonen seeghden dat zy jn een ongenuchten souden coemen 54sonder hueren weten ende want zy tvoirs spel nyet en hadden gemaect 55noch daer aff gheen verstant en hadden met gelycken woerden /

56Gevraeght oft ten tyde als tvoirs spel gespeelt wordde dyen vanden 57Rethorycken verboden was dat zy zulcken speelen nyet meer spelen en 58souden Seeght dat hy nyet en weet oft voere oft naer js gespeelt 59geweest dan meyndt dat naeder handt tvoirs verbot js gedaen geweest 60ende datmen hen ter seluer tyt noch nyet verboden en hadde Ende 61anders etc.

Onderteeckent Leon de fuytere /.