Drie schandaleuse spelen

Regelnummers proza verbergen

XXV

1⁺ Nae desen hebbic procureur de voirscreuen twee rollen vanden voir- 2screuen prologue ende de drije rollen vanden principalen spele te 3wetene Rethorica vrient ter noot aengaende de prologue ende aengaen- 4de het spel vanden opgeblasen sot vanden gheestelycken sot ende 5vanden gemaicten sot geleuert jn handen vanden prochiaen van sinter 6goedelen op hem versueckende dat hy de selue zoude willen ouersien 7ende visiteren om te wetene oft de rollen ten huyse vanden contrerol- 8leur de fuytere zyn gespeelt gelyck de voirscreuen gescriften dat jnne- 9houden / daerop de voirscreuen prochiaen den derden dach daernae 10te wetene den dach der voirscreuen maent januarij heeft my 11procureur vercleert dat de voirscreuen prologue ende principael spel 12tgene js dat ten huyse vanden voirscreuen fuytere js gespeelt geweest 13zonder dat hy van eenige veranderinge zoude cunnen metter waerheyt 14geseggen maer dunct hem dat tselue allessins js gespeelt gelyck de 15voirscreuen rollen dat jnnehouden behalfen dat hem dunct datter ydele 16sacrificie wordt geprononcheert ten tyde als tselue gespeelt was daer 17nv jnt gescrifte staet sotte sacrificie zonder nochtans tselue te cunnen 18jnt sekere geattesteren /.

+ Fol. 228