Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
De Geomantie in het Middelnederlands (1984)

Informatie terzijde

Titelpagina van De Geomantie in het Middelnederlands
Afbeelding van De Geomantie in het MiddelnederlandsToon afbeelding van titelpagina van De Geomantie in het Middelnederlands

  • Verantwoording
  • Inhoudsopgave

Downloads

PDF van tekst (1.27 MB)

XML (0.63 MB)

tekstbestand






Editeur

Willy L. Braekman



Genre

proza
non-fictie

Subgenre

artesliteratuur
prognosticatie


© zie Auteursrecht en gebruiksvoorwaarden.

De Geomantie in het Middelnederlands

(1984)–Anoniem Geomantie in het Middelnederlands, De–rechtenstatus Auteursrechtelijk beschermd

Uitgave van deze voorspeltechniek uit het Münchense handschrift (15de E)


Vorige Volgende
[pagina 80]
[p. 80]

[De rechter Fortuna minor]

(fol. 21v)
fortuna minor
(5)
j
Vanden geualle der meninge.
ij
Vanden Coninge.


illustratie

Dit is een teken des roepens van quaden volc mannen van wapene. Tanhangen den coninc wert van node also dat een ander toegae dats noch beter.


illustratie

Teken der saken dairmen niet aff in die hant en heefft. Hy sal vanden coninc goet vercrigen ende teynde salich na vele arbeits.


illustratie

Dit betekent enen die reysen wille. Hy sal den coninc na lopen mer sijn staet wert mitten coninc middelbair.


illustratie

Dit is een teken der reysen. Sijn staet wert opgehouden mitten coninc daer na sal hijne sueken ende sijn begeren vercrijgen.


illustratie

Dit betekent willesceuren der vruchten. Hy sal arbeyden ende dair om sal hy myt soeken den coninc by te wesene.


illustratie

Teken des geens die wrake soect. Eest dat hij den coninc zere begeert hij wert onder sijn hoede ende in sijn broet.


illustratie

Teken der wegegangers. Hy sal vanden coninc hebben onbehoerlike woerden ende weder tale mer teynde goet.


illustratie

Teken des geens die soect een dinc dat in wanhopen is. Sy wert versaemt mitten coninc ende sal arbeyden om sijnen heesch ende sijn begeerte te vercrijgen.

[pagina 81]
[p. 81]

(fol. 22r) iij
Vander gerechticheit.
iiij
Vanden rijcheden.
v
Vanden geualle dies de enich dinc soect.
Wonderlike sal hem tondergaen de valscheit ende hij sal verliesen meeste sijns rechts. Hy ne sal geen gelt vercrigen mer vele verliesen ende van groten verdoene. Van desen dinge wert niet vercregen ende est datmen gecrijcht dat sal mit arbeyde sijn ende mit belette.
Hy sal in vele woirden sceldende vallen, ende wat sijns rechts na lanc. In sine handen sal geen last van gelde bliuen ende sijn vercrigen wert arbeydelic. Spade sal hij hier toecomen ende een deel sal hij er af vercrigen mit beden van anderen lieden na lanc.
Hy sal tondergaen ende al sine brieuen ende recht wert hem wter hant genomen sonder arbeit. Hy sal een luttel gelts vercrigen mer meer verteren. Dit wert bewrocht na dat hijer in wanhopen om geweest sal hebben.
Hy sal int gerechte in sceldende worden vallen mer teynde myddelbair. Hy sal gelt vercrigen wt beroerten in eenrehande lande. Sijn begeerte mach niet veruult werden int bliuen dees dincs.
Hy sal sijn sake hebben te sijnen wille iegen sijnen aduersarijs. Hy sal mit comenscip gelt vercrigen ende een ander salt houden ende verteren. Een deel des dincs wert veruult na arbeit ende vele gepensen.
Sijne zake wert mit rechte middelbair dair na wert gepaist mitten aduersaris. Hy sal gelt vercrigen ende beholden wel ende het sal hem bliuen. Hy sal dit vercrigen ende het wert onder sijn macht.
Hy sal bouen den vonnesse zweren dat sal hem onscade doen. Hy sal gelt vercrigen mit sprekene, ende alremeest mit scrifften. Hier wert in geleit nochtan sal hijt sonder twiuel hebben.
Hy sal in strijde ende in sceldene vallen ende lettel orbair doen. Hy sal gelt vercrighen mer mit loesheden ende woerden. Hy sal arbeydene om dit te vercrigene dair na hopen te hebben.

[pagina 82]
[p. 82]

(fol. 22v) vj
Vanden hyelike.
vij
Vander dracht.


illustratie

Dit hielic is onnutte ende onderlinge sal gescille vallen ende die sake wert onder hem bedoruen ende niet volbracht. Wert die dracht volbracht so sal si baren enen geheilichden ende geluckigen zone.


illustratie

In dit huwelic werden woerden ende strijden, ende dair werden scriften aff die niet dogen en sullen ende dair na wert raet. Dit betekent dracht ende baringe ende wert gesont.


illustratie

Sijn heesch op dit hielic wert te niete gedaen, ende es dat sij versaemt werden hij salse wedersteken bynnen cortter tijt ende hij sal sceldende woerden horen. Tgeual deser dracht wert quaet ende ontslegen ende wertse voldragen so salse een dochter baren.


illustratie

Dit huwelic wert niet volbrocht ende niet en saller aff vercrigen. Dat in dese dracht vloeyt of let est dat de dracht niet volbracht en wert ende te duchten is voir tbederuen der vrucht.


illustratie

Dit huwelic wert goet ende haest veruult ende van goeder auenturen. Te duchten is dat sij der vrucht quijt wert voir tijt ende wert een zoene.


illustratie

Het wert versaimt mit eenre andre ende werden onderlinge sceldinge ende nijt. Tgeual deser dracht wert middelbair het is mogelic dat sij bare twe zonen.


illustratie

Dit huwelic wert goet gehilicht ende dair sal aff comen blijscap. De dracht wert goet, mer mit vele siecheden.


illustratie

Hier wert opgelet tot eenre tijt mits vele woerden onredelijck ende dair na wertet geuoecht. Si is biden barene ende de dracht wert een helich ende gesont sone.

[pagina 83]
[p. 83]

(fol. 23r) viij
Vanden sieken mensche.
ix
Vander belegenre stat.
x
Off sij kint hebben sal.
Teken des roepens, ende deert den zieken, ende betekent die doot. Nemmermere so en wert dese stat gewonnen noch gecregen van haren vianden noch si ne mogen hair niet deren. Die souker der kijndere vphout ende saller wt vercrigen penninge.
Dese wert haest gesont. Tvolc van deser stat sal tot enen groten gepense comen mer teynde wert salich. Si sal kindere hebben mer meest zonen.
Men hoept op de gesonde van desen zieken, en si dat in de vrage puella coemt. Hair viant sal vertrecken in quaden moede na dat hise bedwongen sal hebben. Sij sal kindere hebben in haer ioncheit.
Dese siecte wert verlangt seere ende god weet. Dit beliggen wert verlanget ende cort dair na so trect die viant vander stat willens. Sy sal kinder en hebben die steruen sullen in hair joncheyt.
Dese siecte wert verlangt, ende men hoept op gesonde sonder loff. De stat wert wel behoet ende de viant sal scaede lijden. Sij sal kindere hebben na lange tijt.
Dese siecte wert verlangt ende te duchten is voir de doot. Deser stat mach geen misual toecomen, mer si wert gepaist. Sy sal kindere hebben ende vele der kindere sal hij niet lieff hebben ende vele achterlaten.
Dese siecte wert verlangt so dat de gesonde al in wanhope staen sal. Dat volc der stat sal scade lijden daer nae wert gepaist. Sy sal voir kindere hebben dair sy niet een aff lieff hebben sal.
De siecte wert verlangt ende is in de vrage puella so wert hem sijne sake by. Si werden gepaist ende die viant sal vander stat sceyden. Sy sal kindere hebben beyde in de ioncheit ende in de outheit.

[pagina 84]
[p. 84]

(fol. 23v) xj
Van der dyeffte.
xij
Vander reyse.


illustratie

Twedercrigen van deser diefften off van desen verliese wert verlanget ende der dieue sijn vele. Hy sal die reyse doen ende vele arbeits hebben ende belets.


illustratie

Dese dieffte wert vercregen omlanc ende tuerlies des gelijcs. Hy sal die reyse doen ende si wert lanc ende teinde louelic.


illustratie

Dese dieffte wert niet vercregen noch tverlies, en sy dat een beeste si. Dese reyse wert verleyt ende syne meeninge verandert ende salse laten.


illustratie

Dese dieffte is elwair gedragen ende hair wedercrigen verlanget. Men hoept hem een reyse te doen nae lanc, dair hen goet aff sal geschien dat edel is.


illustratie

Tvinden deser dieffte wert opgehouden en tijt, daer na wertse vonden des gelijcs verlies. De reyse die hij begeert sal hij doen an sijnen danc ende by crachte.


illustratie

Van deser dieffte wert die dieff geschoffiert ende is een wijff diemense tyet mer dair na wertse vercregen ende also salt verlies. Hy sal die reyse doen ende werter geluckich in ende hij wert gevriet van vele belets.


illustratie

Dit is een teken des verlies ende der diefften die nemmermere vercregen wert. Dit wert een goed reyse ende geluckich ende sijn wechwesen wert verlanget.


illustratie

Tvinden deser dieffte wert verlangt mer lange dair na wert verlies vercregen. Hy sal die reyse doen ende wel wert hem oec wert hij van snellen wedercomen.

[pagina 85]
[p. 85]

(fol. 24r) xiij
Van dien die buten is.
xiiij
Vanden geuangene.
xv
Vanden regene.
Dese mach niet wedercomen te sijnen en sy by arbeyden. Sijn vangenisse wert verlangt, ende men hoept dat hij na der tijt verlost wert. In dit jair wert luttel regens zere dair tvolc aff bescaet wert.
Men sal sijn wedercomste hopen na lanc tijt ende wtstel. Men ducht voir tbelet des geuangens, ende van sijnen verliese, ende sij(n) verlossen wert wonder. Het wert luttel regens nochtan salt ten besten comen.
Hy sal snel wedercomen ende hij wert inden dienste des conincs off int geselscap der beesten. Desen geuangen sal den coninc verlossen, ende hij sal hem wel doen, ende beuelen hem sijne diensten. Zeer luttel regens wert dit jair, ende tvolc werter aff bescaet.
Sijn wedercomen wert opgehouden een tijt dair nae sal hij comen. Hy ne sal niet mogen bliuen geuangen enen dach. De regen wert in dit jair middelbair in de helpe.
Dese is verandert van sijnre stede ter andre end hij en geert geen wedercomen. Sijn karker wert verleit ende hij sal ontsien, ende wert gedreecht van sijnen coninge. De regen wert dit jair vp gehouden, ende wert eene diere tijt.
Dese sal niet mogen wedercomen, nochtan begeert hij in sijn stede te wesen. De staet van desen geuangen wert middelbair ende hij wert subtijlic verlost. De regen wert opgehouden mer di wint wert gemenicht.
Sijn wedercomen wert vertraecht ende wert verandert van lande te lande. Sijn verlossen sal naken na den groten betalen. In dit jair wert luttel regens mer vele wijns ende erdbeuinge.
Men hoept noch te versamene mit desen, na lang tijt. Dese wert geleet voirden vangere, ende sal van hem horen vele worden ende groet. Vele wints ende wert luttel regens ten lesten dair den volc mede gehulpen wert.

[pagina 86]
[p. 86]

(fol. 24v) xvj
Vanden begrauen dinge.
xvij
Vander comenscip.


illustratie

Hier en is niet verholen dan steene. Hy ne sal geen orbair doen in dese comenscap dan arbeit.


illustratie

Hier is niet begrauen. Hy sal hier in zeer arbeyden ende luttel baten der aff hebben.


illustratie

Hier en is nyet. Dese wert van cleenre baten, ende hij sal belett hebben.


illustratie

Hier en is niet begrauen ende het heefft gesocht geweest mer niet en wasser geuonden. Tlaten van desen is best want het van clene vercopene es.


illustratie

Dit is seker ende hier is die stede nochtan moeter arbeit toe ten vindene ende die tsoeken aenhout die vercriget. Dese wert vol wasdoms ende grote bate sal mer aff gecrijgen.


illustratie

Dit verholen dinc is seker nochtan was die bate dair aff gedaen voir dese tijt. Dese comenscip wert vol wasdoms al eest datmense langer hout.


illustratie

Hier is niet begrauen. In dese comenscip wert scade noch bate.


illustratie

Hier en is niet verholens. Tgeual van deser comenscip wert middelbair off der baten naest.

[pagina 87]
[p. 87]

(fol. 25r) xviij
Vanden wtgaenden heere.
xix
Vanden toegaenden heer.
xx
Vanden tween heeren.
Tgeual van desen heere wert sterck nochtan saller gescil in vallen. Dit heere en sal niet gaen ter stede dairt gemeent hadde. Dese sullen strijden ende vechten gelijc, der na werden sy verscheeden.
Tgeual van desen heer wert goet ende sonder vreese. Teen deel van desen heere sal toegaen sonder yemant te deren. Dese sullen vergaderen ende weder versceeden ende hair sake sal te goede vergaen.
Eest dat dit heere voirt gaet het sal bescadt weder comen dair om wair hem tstaen best. Eest dat dit toegaet ten sal niet mogen wedercomen ten sij beschaedt ende gecrenct. Dese twee heeren en sullen niet vechten mer sij werden gevreedt ende gepaist.
Dit heere sal wtgaen ende tweder comen wert verlangt ende sijn geual wert middelbair sonder schade. Dit heere sal sijn toegaen af laten, nochtan sal hem een deel toegaen, dat niet te ontsien sal sijn. Tusschen hem beyden mach ne geen quaet geschien noch bloetstortinge noch vreese.
Dit en sal niet wt moigen gaen ende het wert anders belett ende ontslegen. Eest dat dit heere toegaet het sal vercrigen sijne begeerte. Elc sal tander ansien so dat sij niet vergadert en werden te strijdene.
Den wtganc van desen heere wert opgehouden mer een deel dair aff sal wt gaen ende van dien deel sal tmeeste weder comen. Dit heere sal niet toegaen ende bilichte sijn sake wert ontslegen ende belet. Dese sullen deen den ander en niet gemoeten mer si sullen wederkeren ende hem bet beraden.
Dit sal verlanc wtgaen ende te vele steden gaen ende arbeyt dogen. Dit en sal niet toegaen ende sijn sake ende sijn raet wert al te nyete. Dese twe werden versaemt nochtan wair beter twechgaen dan tgemoeten.
Tgeual van desen heere wert goet ende nutte na arbeit. Men hoept van desen heere een deel toegaen sal sonder schade. Dese werden versaemt ende onderlinge sullen sij sceldende werden sonder scade.

[pagina 88]
[p. 88]

(fol. 25v) xxj
Vanden verholen dinge.
xxij
Vander bedeuairt.


illustratie

Dit verholen dinc is planten. Hy sal bedeuairt gaen ende sijn wech wesen wert verlanget dit jair ende hy sal lijden arbeyt ende druc.


illustratie

Dit verholen dinc is een dinc dair lichticheit in gehulpen wert. Hy sal gaen nochtan wert hij belet in die bedeuairt ende dair na sal hijse doen.


illustratie

Dit is van groenen planten. Dese bedeuairt en wert van desen iair voldaen.


illustratie

Dit is van planten van cleenen ende lichten werke. Dese sal gaen nochtan en coemt hij te sijnre begeerten niet bin desen jair.


illustratie

Dit is een dinc zwaer wegende. Dese bedeuairt wert achter wert gehouden dit jair mits vele saken.


illustratie

Dit verholen is een dinc hol wyueliker name. Dese bedeuairt wert belet ende niet voldaen dit jair.


illustratie

Dit verholen dinc is van planten. Hy sal hem pijnen de bedeuairt te doen nochtan wertse niet voldaen.


illustratie

Dit is een dinc datmen niet sien en mach. Tvolc sal dit jair geen bedeuairt gaen want de raet der aff gesleten wert.

[pagina 89]
[p. 89]

(fol. 26r) xxiij
Vanden vechtere.
xxiiij
Vanden coop der leeftocht.
xxv
Tgeual vanden jair.
Hy sal vechten te bouen gaen ende verwynnen ende openbair bate dair aff hebben. De coop wert ondiere ende ontslegen ende int ende vanden jair sal tvolc gebreck hebben. Meer goets sal geschien dit jair dan quaets.
Hy sal vechten ende gesellen hebben, ende sijn geual wert middelbair. De coop wert dit iair ondiere ende ontslegen ende ten sal niet dierer mogen werden. Tgeual van desen jair wert middelbair int goede ende int quade.
Hyne sal niet vechten dit iair, ende hij sal weder keren van desen wege. De coop sal ontslegen werden, ende in dit jair en wert hij niet dierer. Dit wert een jair van vele goets, ende men ducht voir enige der coningen.
Sijn wech wert ontslegen sijns willen, ende dit vechten wert verandert tot enen andren. De coop blijfft staende ende int ende vanden jair wert hij ontslegen ende ondiere. Dit wert een seker iair ende tuolc sal seer reysen.
Hy ducht voir tuechten dat hij geuangen mach sijn. Dit jair blijfft de coep staende mer int eynde des iairs salt dierer werden. Dit wert een jair van vele goets, ende van sekerheden ende tuolc in goeden state.
Hij ne sal niet voluechten ende beter is tlaten. De coop blijfft staende mer int eynde des iairs sal hij ontslegen werden. Dit wert een iair van goeden geualle, ende in dit iair sal tegen den coninc rijsen off wtgaen een verrader.
Hy sal nernst wesen op tuechten, mer ten wert niet volbracht, want het wert belet. De coop blijfft staende ende dair na sal hij luttel dierer werden. Tgeual van desen iaire wert goet al esser verbeyden in.
Hy ne sal niet mogen vechten dit jair, ende het is hem best. De coop vander leeftocht wert dier, mer van andere dingen ondier. Dit wert een iair van vele planten ende de (r) valscheit, ende tvoirdencken des volcs werden menichuoout ende int beginsel vanden iaire so wert een droecheit.

[pagina 90]
[p. 90]

(fol. 26v)
6
j
Vander meninghe.
ij
Vanden Coninghe.


illustratie

Dit is een teken des wegegangers ende wert int beghinsel der vrage fortuna maior so betekent vanden coninge ende watter aff wesen sal ende is een sterck teken. Hij sal vercrigen vanden coninc na dat hi begeert ende sijn sprake wert gehoort van hem.


illustratie

Dit is een teken des geens die vraget na enen heere ende na grote dingen. Hy sal vercrigen vanden coninc staet ende heerscappie duecht ende horen na lange tijt.


illustratie

Dit (is) een teken der volheit der rijcheden. Hy sal vanden coninc horen dat hem geliefft, ende hij sal hem verblijden na arbeit ende lanc (... ?).


illustratie

Dit teken mach ne doot dinc betekenen. Hy sal den coninc ontsien ende qualic met hem wesen. mer sijn dinc wort volbrocht.


illustratie

Dit is een teken der almoesene goeder lieden. Hy sal voir den coninc wesen na die brieuen die hem gesent werden, ende sal van sijnen heymeliken raide werden.


illustratie

Dit is een teken des geens die recht begeert. Sy sal vercrigen sijnen heesch vanden coninge om lange tijt.


illustratie

Dit is een teken van allen dingen gemeenlijc die verre van ogen sijn. Sijn dinc wert gedaen vanden coninc by enen goeden haesten bode.


illustratie

Dit is een teken des geens die wegen soect. Na schade ende moeyenisse sal hi vreese hebben in sijn herte mer dair na sal hij sijnen wille hebben.

[pagina 91]
[p. 91]

(fol. 27r) iij
Vanden rechte.
iiij
Vanden rijcheden.
v
Vanden geualle enichs dincs.
Hem sal goet gescien van sijnre clage ende hij wert geluckich in allen sijnen daden ende hij sal sijnen aduersarijs verwynnen. Hy sal gelt vercrigen wt strengen dingen besettelike diensten ende hi wert veruult. Hy sal sijn dinc vercrigen in goeder wijse ende hulpe hebben van edelen lieden.
Sijn sake wert verlanget ende hij sal in twiste vallen ende sijn einde wert middelbair. Hy sal gelt vercrigen mit arbeyde ende mit anxte ende wert gelijc enen behoeder sijnre dingen. Dit dinc wert een tijt opgehouden ende na wanhope vercregen.
Vele manieren ende woerden sullen sijn in tsine te heeschen ende het wert hem verre. Hy sal gelt vercrigen groet ende rijcke werden al de tijt sijns leuens. Dit sal hem geschien ende hy salt vercrigen na arbeyt ende vreese.
Hy sal trecht behouden int beginsel mer der nae sal hij tonder gaen. Hy sal gelt ende penninge gecrigen in cortter tijt. Dit dinc sal hem snel geschien sonder arbeyt ende sonder middelen.
Hem sal recht geschien vanden rechter ende sijn sake behouden al essi onrecht ende salre brieue aff hebben. Hy sal gelt gecrigen mit sekerheit, mit comenscepe. Hier wert opgelet met vele beloefften, ende dair na sal hijt vercrigen.
Tvonnisse wert in dese saken verleit dair na sal hijt vercrigen. Hy sal rijchede vercrigen int leste sijns leuens goet ende voirspoet. Dit jair wert hij gemoeyt ende sijn sake verleyt der na wertse veruult na wanhope.
Mit valschede sal hij sijne sake behouden, dair na wertet in hem verkeert, ende hij werter mede belet. Hy sal gelt gecrigen mit vele wegen te gaen ende mit sonderlinge reysen. Hy sal dit vercrigen na wanhope, ende hi salt laten.
Hy ne sal niet mogen comen ten eynde van synen vonnisse. Hy sal rijc werden ende weder verliesen gout ende ziluer. Hy ne sal hier aff niet gecrigen ende tlaten best.

[pagina 92]
[p. 92]

(fol. 27v) vj
Vanden huwelijcke.
vij
Vander drachte.


illustratie

Dit huwelic wert goet nochtan wert hire in bescaet zere ende sal betalen datter ouer coemt vander huwelijcker ghifften. Dese dracht wert gehelicht geluckich, ende een licht baren, ende enen zone.


illustratie

Dit hielic wert niet volbrocht ende wert het volbrocht dat wert om lanc ende gescil werter onderlinge tlaten best. Dese dracht wert gesont ende sij is by den barene eenen zone.


illustratie

Dit wert goet ende best ende gehelicht geluc ende blijscap sal hij metten wiue hebben. Dese wert gemoeit ende sal een dochter baren siec ende verlost.


illustratie

Dit wert een toegaende gehilicht snel ende sonder letten huwelic daer na betekent dat hij een ioncfrow hebben sal. Te duchten is van dese dracht datse voir tijde geboren wert, ende is sij bij den barenne so sal sij een dochter baren.


illustratie

Dit is een gemerct teken ende betekent een huwelic swair sijns vercrigens ende een swair beuel. Dese dracht wert voldregen ende sien (... ?) geluckich, ende een dochter die gehelicht wesen sal bouen hair ouders.


illustratie

Dit wert volbracht ende twijff wert edelre dan de man, ende hij sal te sijnre begeerte comen van hair na moeyenisse arbeit ende om lanc. Dese sal vercrigen ende wanneer se voldragen wert salre een dochter geboren werden.


illustratie

Dit wert een goet hielic. Wert dese dracht voldragen so salse enen sone baren.


illustratie

Dit huelic mach niet toecomen ende niet en werter aff. Dick is tlaten best. Dese dracht wert niet volcomen ende eest datse volcomen wert, so salse baren enen sone.

[pagina 93]
[p. 93]

(fol. 28r) viij
Vanden ziecken.
ix
Vander belegenre stat.
x
Off hij kint hebben sal.
Te duchten is voir desen ziecken, ende teynde wert goet ende salich. Tvolc vander stat sal sijnen viant verwynnen ende te bouen gaen. Hy sal een getal van dochteren hebben die geluckich ende gehilicht sullen wesen.
Dit teken opheft thooft des ziecken ende ten vertoecht hem niet den vegen ende betekent salicheit in die siecte. Tvolc vanden lande sal verwynnen ende de viant der stat sal snel van hair trecken. Sy sal kindere ontfaen wt welken een voirstaenre off vonnesstrecker wesen sal hart van toesprekene.
Sijn euel wert groet ende zwaer, ende te duchten is voir die doot. Dese stat wert gewonnen mit valscheden, ende mitten swerde. Dese sal kindren hebben na dat vele wiuen tontijde gebairt sullen hebben, ende van hem werden vele dochteren.
Desen zieken sullen toecomen vlode ende euelen in hemeliken steden sijns lichaems. Dese stat wert gewonnen ende lettel dair na wertse verlost. Na tmesualle van vier kinderen sal si ontfaen ende baren enen zone.
Tmeeste der siecte sal wesen int been, ende hij werter aff gesuuert ende genesen. Dese stat wert van groter macht ende vele goets wert in hair. Dese sal een getal der sonen hebben ende de wiuen werden geluckich ende hi biden wiuen.
Hy wert verlost vander siecte. Tbeliggen wert verlanct ende der stat wert inder gedaen mer si wert verlost mids viants vertreckene. Hi sal kindren hebben ende hem wert gebootscapt van enen wiue dair hij bij geeert sal werden.
Dese wert gesont ende sal vele braken de meeste siecte in de vpperste leden ende hy sal hoesten. Dese stat sal in grote vrese ende dwalinge wesen mer teynde wert goet. Hy sal sonen hebben ende sij sullen hem eren, ende tes mogelic dat hem last vanden kindren compt.
Dese siecte mach niet dueren, ende hij werter snel aff verlost. Vele vanden heere sullen manscap doen der stat ende de viant sal vertrecken bescaedt. Hy sal kindren hebben ende een andre salse voeden, want hij van dane trecken sal, ende verre van hem wesen.

[pagina 94]
[p. 94]

(fol. 28v) xj
Vander dieffte.
xij
Vander reyse.


illustratie

Dese dieffte is brudelic dinc ende bijden comen wertet wedercregen ende tuerlies oic bij tijden. Dese reyse wert hem geluckich ende salre bate ende wasdom aff gecrigen.


illustratie

Twedercrigen deser dieften wert verlangt ende is een openbair dinc om lanc ende also wertet tuerlies vercregen na lanc. Hier wert opgelet dair na sal hij die reyse doen ende lang wech wesen.


illustratie

Dese diefte wert geopenbairt binnen cortter tijt ende is iet van clederen ende een vanden knapen salt hebben ende tuerlies wert wedercregen. Sijn reyse wert goet nochtan twiuelt men aent verlies sijns loens.


illustratie

In cortter tijt wert dese diefte wedercregen sonder arbeyt. Dese scijnt off hij weder quame van sijnre reyse ende sal cort wedercomen.


illustratie

Dese dieffte is van clederen ende men tijetse enen wiue die maech is der familien van dien huyse ende tvinden vanden verliese wert verlanct. Sijn reyse wert lang nochtan sal hire goet in gecrigen ende voirspoet.


illustratie

Dit heefft gestolen een seker mensche als off hijt versteden soude ende verlanc wert wedercregen ende also tuerlies ende der na wertet vercregen. Hy ne sal de reyse niet doen ende het sal hem beletten een wijf ende ende tletten best.


illustratie

Dese dieffte wert vercregen by enen wiue. In dese reyse sal vreese werden ende arbeyt ende hij sal pijne dogen van quaden lieden.


illustratie

Emmer toe is dese dieffte verandert ende verre gedregen ende de dief is tusschen der doncker ende hemelscher varewe genegen ende twedercrigen wert lanc. Dese reyse is hem bereet ende seker nochtan wert se lang.

[pagina 95]
[p. 95]

(fol. 29r) xiij
Van dien die van oghen is.
xiiij
Vanden geuangen man.
xv
Vanden regen.
Dese sal wedercomen mit goeden geualle ende volmaecter begeerten ende hij wert rijck. Dese geuangen sal vercrigen vanden coninc cracht ende wert schier verlost. In dit jair sal luttel regens vallen ende die wert orbairlic ende en sal den volke niet deren.
Sijn weder comen sal letten een iair, dair na sal hij comen vol gelts. Dese sal wesen seker ende lidende ende hij wert snel verlost. In dit jair wert zere luttel regens ende alte vele wints.
Sijn wedercomen wert vertraeget want hij goets leuens is ende geeert dair hij is. Dese vangenisse wert verlangt als is hij seker ende men hoept om lanc sijn verlossen. De regen wert in dit iair opgehauden so dat sumwijle regenen sal, somwijle niet.
Dese sal snel wedercomen ende dair na weder geren de stede daen hij quam. Sijn verlossen wert verlangt ende hi wert verandert van carker te carkere ende der na verlost. Dit jair salt vele regenen ende den volke nutte wesen.
Dit wedercomen wert vertraecht ende hij ne sal niet comen in dese tijt. Dese vangenisse wert verlanget ende mit al desen so wert hij seker int eynde verlost. In dit iair wert de regen middelbair orbairlic den volke ende niet scadelic.
Ten is in sijnen moet niet weder te comene in deser tijt. Tes bider witlicheit dat dese geuangen is ende dair eest niet tontsiens. Twtstorten des regens wert ouervloeyende dit iair ende orbairlijc den volke.
Het staet met hem qualic ende hij is gemoeyt nochtan hoeptmen op sij(n) coemste hier. Te duchten is voir des geuangens pijne ende hij is in groter vresen nochtan wert hij verlost. Dit jair salt lettel regens vallen ende onscadelic den volke mer int eynde vanden iaire salt regenen.
Dese wert gevoert van eenre stede ter andre ende dair na hoeptmen op sijn coemste. Dese wert verlost ende dair na sal hij gaen vander stede dair hij geuangen was tot eenre andre stede. Luttel regen wert dit iair ende stercke winden, ende deerlike den volke.

[pagina 96]
[p. 96]

(fol. 29v) xvj
Vanden begrauen dinge.
xvij
Vander comenscap ende wasdomme.


illustratie

Dit is seker ende sijn stede is ten oesten wert ende is groet ende arbeydelic aen te comene. Dit is van clenen wasdomme recht offt vander hant ghinge.


illustratie

Te desen begrauen dinge salmen niet comen moigen. Hy wert in dit gemoeyt ende niet en sal hire aff vercrigen.


illustratie

Hier en is niet begrauen. Dese comenscip wert goet hij salre bate aff gecrigen, ende tvercopen wert traech.


illustratie

Dit is van vele arbeits, ende niet en is dair dat genomen wert. Tgeual van deser comen scip wert sonder bate ende sonder scade.


illustratie

Hier en is niet. Dese is zere vol van wasdoms op dat dair in is dat den wiuen toebehoirt clederen ende ander witte dingen.


illustratie

Hier en machmen niet toecomen ouermids dat die stede so verre is. Dese comenscip wert zere orbairlic nochtan wert tvercopen zere lanc.


illustratie

Hier en is niet begrauen. Van deser comenscapen coempt niet off men moetse alte verre versuecken.


illustratie

In dese stede en is niet begrauen. Hy ne sal geen bate van deser comenscap hebben, dair en si yet geboren.

[pagina 97]
[p. 97]

(fol. 30r) xviij
Vanden wtgaenden heere.
xix
Vanden toegaenden heere.
xx
Vanden tween heeren.
Dit hem wert verwinre ende behouden ende sal niet wederstaen. Dit sal letten int toegaen ter stede dairt begeert ende licht ten sal niet toegaen. Werden dese twe versaemt hair ne geen sal verwinnen mids der stercheit an beyden sijden.
Dit heere is zere sterc ende sijn wech wert verder dan ter stede dairt meent. Dit en sal niet mogen toegaen, ter stede dairt begeert. Tgescil van desen tween heeren wert te broken ende sij en werden niet vergadert ende int einde wertet gepaist.
Tgeual van desen heere wert middelbair ende tbliuen beter dant wtrecken. De meeninge van toegaen van desen heere wert wederleit ende belet. Werden dese twe versaemt so sal dat oestersche heere verwynnen.
Dit heere en sal nie wech gaen, mer het sal sijnen wtganc voldoen. Dit sal sonder twiuel toegaen ende een lettel scaden lijden ende ten sal nyemant mogen deren. De sake van desen tween heeren wert opgehouden ende eest dat sij vergaderen dat began salt winnen.
Desen here sal geuallen belet van sijnen wege, ende dat is hem best. Dit en sal sijnen toeganc niet volcomen, ende sal vroom wesen, ende vele vercrigen mer sijne stede salt beletten toe te gane. Tusschen beden wert pais gemaect ende elc salre letten aff hebben.
Dit heere en mach sijnen wtganc niet voldoen ende het sal letten in goeder wijs. Dit en sal sijnen toeganc niet volcomen ter steden dairt begeert. Elken van desen tween heren sal geuallen een belet, welc se houden sal elc anderen te gemoete.
Dit heere sal sijn sake vercrigen in sijnen wtganc ende sal verwinnen wij em sijnen daden ende hem wert vol victorie gegeuen. Dit en sal sijnen toeganc niet voldoen ende het wert belet by enen andren wege. Dese en sullen hem niet gemoeten mer verscheeden.
Dit sal sijnen wtganc voldoen ende sal in vele steden te bouen gaen wtgenomen der stede dairt begeert. Dit sal snel ende wijselic toegaen, ende en sal niet mogen letten in die stede. En ygelijc van desen sal van den andren versceeden werden, mids dat hem toeuallen sall.

[pagina 98]
[p. 98]

(fol. 30v) xxj
Vanden verholen dinge.
xxij
Vander bedeuairt.


illustratie

Dit verholen dinc is van planten iegen welke en mach noch vier noch dierbair dinc. Hy sal den wech gaen mer niet in dit jair.


illustratie

Dit is dierbair dinc daer de moet genuechte in neemt. Hy sal moeynisse ende anxt hebben mer de bedeuairt wert van desen iair gedaen.


illustratie

Dit is van planten ende van dinge wtgaende wter ziele van zwarter varewe. Na dat hij een wijl gelet sal hebben so wert de bedeuairt gedaen ende hi ne salse niet laten.


illustratie

Dit is verholen dinc is van planten ende van zwarter varewen, ende dair is ymmer toe wat verloren. Sijn voirtsetten wert verandert vander bedeuairt dit jair.


illustratie

Dit is van planten der eerden hebbende smake van olijffbomen ende roke ende sijn wit. Hy sal de bedeuairt doen in een ander iair dan hij begonnen heefft.


illustratie

Dit is van wiueliker namen hebbende smake ende roke ende witheit ende is een teken van plante ende van dieren. Dese bedeuairt wert opgehouden dit iair sonder belet bij hem seluen.


illustratie

Dit is van planten off van dieren ende van duerbaren dingen off van hemeliken dingen. Dese bedeuairt en wert van desen iair gedaen.


illustratie

Dit is roselachtich dinc. Hem sal een bedeuairt toecomen ende hi sals begheren mer sij, ne wert van desen iair gedaen.

[pagina 99]
[p. 99]

(fol. 31r) xxiij
Vanden vechtene.
xxiiij
Vanden coop der leeftochten.
xxv
Vanden geual des iairs.
Hem sal een vechten scaden dit iair ende hij sal mit sijnre hant bloet storten. Vele vruchten ende beesten sullen sijn in dit iair ende ondiere. Dit wert een goet iair mer int beginsel werden strijden ende een goet eynde.
Hy sal vechten te bouen gaen ende verwinnen ende niet en sal hem deren inden wech. Int beghinsel des iairs so wert diere ende cort dair na wederkeren ter gewoente. Dit wert een goet jair van lettel strijden ende vechtingen.
Hy sal in een vechten vallen ende men twiuelt an sijn mede bliuen. De coop blijfft in haren staet ende niet dieren noch ondieren. Int beginsel des iairs wertet dier tijt mer teinde goet ende gehelicht.
Sijn meninge van vechten sal veranderen ende sijn raet sal hem berouwen. De coop wert dit iair geleecht ende het werden vele vruchten ende vele goets. Dit wert een drachtich iair ende het werden vele voetgangers.
Het is onmogelic dat hij vechte dit jair, ende hij ne sal van sijnre stede niet gaen. Dese coop wert ondiere dit jair, ende die manieren des volx sullen beteren. Int beginsel van desen iaire wert een dier tijt ende int einde wertet drachtich ende voirspoet.
Mits toecomenden dingen so en sal hij dit iair niet vechten. De coop sal bliuen in enen doen, ende het wert vele goets. Vele goede dingen sullen dit iair geschien.
Hy sal vechten ende wt den wijge gaen ende te duchten is voir sijn doot ende voir tvangen. Het wert een diere tijt dit iair, mer geen gebreck der vruchten. Tbeginsel van desen iaire wert goet mer teynde cleenre baten.
Hy sal dit iair vechten verwynnen ende behouden blijuen. De leeftochten werden diere nochtan werter vele mer int eynde vanden iair beter coop. Dit wert een iaire van vele gelts, mer van clenen orbaren.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken

Over het gehele werk

titels

  • De Geomantie in het Middelnederlands


auteurs

  • Willy L. Braekman