De Gulden Passer. Jaargang 58-59
(1980-1981)– [tijdschrift] Gulden Passer, De–
Auteursrechtelijk beschermd26.
Monstra alit Aegyptus, Niloq́ue latentia passim
Sunt mala, non tutum vt sit posuisse sitim.
Id canis expertus, simul vt sitis vrget amara,
Non properat gelidis mergere guttur aquis:
Sed leuiter fauces adhibet, lambitq́ue cauendo,
Noxia ne potans amne venena trahat.
A' multo refugit potu, & tetigisse paludes
Sufficit, hoc vitam sustinet ille modo.
Foediús híc, peccant sine qui discrimine semper
Implentur cyathis, brutaq́ue se efficiunt.
Ingenium euertunt, rixis agitantur iniquis,
Forma refert homines, sed rationis egent.
|
|
