De Gulden Passer. Jaargang 58-59

Docti ignauos reprehendunt.

38

Interpres Diuum Latonam ad sicca fluenta

Corripit, ac victam cedere posse monet.

Armis nam exuerat Iuno, lachrymosa querelam

Dedecus ad magnum pertuleratq́ue Iouem.

Mercurius valet ingenio, mandata per auras

Dum memor eloquio nuntiat vsque potens.

Immemor at contra Dianae obliuio nomen

Indidit, humida enim & frigiditate leuis.

Quod verò ad Xanthum fuerit lis orta, docemur,

Sit potior mixtis humiditate calor.

Spiritus è tenui fomento nascitur, humor

Algidus ast prohibet, vel remoratur eos.

In cunctis etiam superet vis ignea, vitam

Haec largitur enim, non sine temperie.