De Gulden Passer. Jaargang 58-59

[p. 84]

⁺ Virtus vnita valet.
Ad Principes Vngariae.

+ 70, 71.

51.

Nil mare corrumpit, salsum à putredine tutum est,

Multaq́ue perpetuis motibus acta, vigent.

Sit tamen in fossas deriues, atque paludes,

Vim patitur, dotes nec tenet inde suas.

Dulcibus amittit vires, nitriq́ue vapores

Exhalant, quoties mutat origo noui.

Plus vnita potest virtus, dispersa labascit,

Atque suo durant quaelibet apta loco.

Pignore commutat suaui translata veneno

Persicus, & tutis carpitur illa gulis.

Fluctibus in mediis patriae tot cladibus actae

Concordi proceres subueniatis ope.

Nec vos exosae mentes, propriaeq́ue salutis

Ablitae exagitent, & nota turpis alat.

Huniadis memores, ac Regis quaeso Mathiae

Estote, ad quorum nomina Thurca tremit.

Diversum ne vos studium disiungat iniquè,

Colligat in patriae vos amor vnus opem.