De Gulden Passer. Jaargang 58-59

Amor dubius.

65.

Amor venustis imminet,
Venustiores separat,
Secutus haud semper capit.
Ciens cietur mutuò,
Moratur & spe subdola.
Amaror hoc suauior,
Et nullus est amarior.
Habens habetur lubricus,
Quantum addit aufert flammulae,
Cor alterat saepe & die.
Vt follis est in flamine,

[p. 97]

 

⁺ Non dat priùs, ni acceperit.

 

Mora est amor solubilis,

 

In spe timorem copulans,

 

In gaudio fallacibus

 

Ludens, inanes ebrians,

 

Plenos leui vacuans modo,

 

Vigens calore frigidus,

 

Praeter nihil dans spem & metum.

 

Nudum caue puellulum,

 

Nam vulnerat saeuissmè

 

Sed curat haud tutissimè.

 

Mellitus & subblandulus

 

Subegit omnes caelites.

 

I, pòst tribuas cupidini

 

Incertior certissima

 

Dolore qui torquet graui,

 

Grauem tamen nec senseris:

 

Virtutis ast amor sibi

 

Constat, nec aufert praemia.

 

Ornans suos laboribus,

 

Memoriam nec immemor

 

Fraudans, beatis aggregat.

 

Sollicitet hic nos posteà,

 

Sequamur, & sequentibus

 

Annis secuturum decus.

+ 96, 97.