De Gulden Passer. Jaargang 58-59

[p. 111]

⁺ In sponsalia Ioannis Ambij Angli, & Albae Rolleae D. Arnoldi Medici Gandauensis filiae.

+ 124, 125.

87.

Anglica progenies, & nobile pignus auorum,

Ergò fidem dextrae virgo pudica dedit?

Flectere tu nosti ingenuam virtute puellam,

Vinciat aeternùm vt pronuba Iuno pares?

Gratulor, ac coeptis precor omnia laeta secundis.

Crescat amor socius, vos geminetq́ue Deo.

Foedere connubij stabiles simul aethere seruet

Autor, & optatum concelebretur opus.

Christe, precor iam nunc fine amico vota valere,
Laetitiaeq́ue notent nubila nulla diem.
Copula vera Deûm flamma confirmeteadem,
Natorum ad serie gaudia vestra beet.
Cernis vt hac taeda sint prospera cuncta iugali,
Ortus & occasus praeuia signa vehant?
Quid vaga sic iuuenes torquent tua munera Cypri?
Legitimo praestat nónne nepote frui?
Adsit hymen, hymenaee veni, symphonia concors
Exhilaret coetum, plectraq́ue pulsa lyrae.
Sis genero foelix Arnolde, tuumq́ue vocato
Phoebum, vt eat natae mitis alumna soror.
Pura fides, amor & castus, prudentia iungit
Concordes, retmet cura, tuetur honos.
Hybernum violas si tempus, & arida nobis
Iam flores tellus ferret, amata darem:
Nes rosa, nec myrthus deessent, non laurus odora:
Nunc tibi quod possum mittere munus, habe.