De Gulden Passer. Jaargang 60

14. Plus quàm Diomedis & Glauci permutatio.

Il aduint quelque fois qu'vn Prince commanda

A l'Astrologien expert en sa science
De regarder le ciel, dont par la preuoyance
De pluies & de vents la chasse il retarda.

Mais n'estant aduenu ce quil auoit predict

Le Prince le reprend, & lorsse met en voye
Pour s'en aller aux champs chasser apres la proye
Qui le maistre menteur luy auoit interdict.

Reuenant des forests il void vn laboureur

Qui auec vn cylindre & auec vne herse
Passant dessus la motte escachant la renuerse,
Et va gaignant son pain au pris de la sueur.

Subit il est enquis de la longueur du temps

Qu'il pense se deuoir passer sans vn orage,
Il dict que de vingt iours il n'y aura nuage
Qui l'empesche d'aller cercher sont passetemps.

Il aduint comme il dist, & lors au laboureur

Le Prince feit donner l'Astrolabe incogneue,
A l'Astrologien la herse & la charue,
Pour le char qui se roulle en l'Arctique froideur.