De Gulden Passer. Jaargang 60

17. Nimium sapere.

Celuy qui regardant s'efforce,

De vaincre du Soleil la force,
S'en retourne aueugle du lieu,
Fol est qui d'vne face fiere
Pense adiouster à sa lumiere,
Regardant la clarté de Dieu.

Ces choses seules appartiennent

Aux oiseaux de Dieu, qui soustiennent
La grandeur de ceste clarté,
A l'oeil du Soleil qu'ils aduisent
Leurs yeux dauantage ils aiguisent,
Non que par eux il soit dompté.

Estime ta fortune heureuse

Par vne grace plantureuse,
Dont le sort t'a voulu prouuoir:
Et qui plus est, encore pense
Auoir eu toute iouissance
De ce que tu voudrois auoir.

Les cieux qui les astres maintiennent

O Phaëton, ne t'appartiennent,
Bien que tu vueilles t'estimer:
Icare d'asseurance fole
Voulant monteriusques au pole
Se laissa choir dedans la mer.