De Gulden Passer. Jaargang 60

19. Consilium.

Sans loy rien nest perdurable,

Ny sans l'estude honorable.
Par conseil il faut s'armer,
Et en paix se gouuerner.

Sa fin bien tost viendra prendre

Ce que voudras entre prendre
Si sans conseil tu le fait,
Sort en la guerre en paix.

Par luy la vraye doctrine

De la saincte loy diuine,
Et l'art que la guere suit
Plus sagement se conduit.

La maison bien ordonnee

Par conseil est gouuernee:
Par le conseil seulement
L'on y vit plus seurement.

Si soigneux tu ne prens garde,

Vn accord gueres ne tarde,
Lequel subitement sort
De rancune & de discord.

La rioteuse querelle

Quasi se faict immortelle
A l'heure que deux amis
Se declarent ennemis.

Au grand Pericles l'Attique

Donna le sceptre bellique,
Et: Sparte aussi l'a donne'
A Sophocle & a Tyrte'.

O paix tu es bien meilleure

A l'endroict ou tu demeure,
Tu es seule le desir
D'abondance & de plaisir.

Sans toy le champ inutile

Demeureroit infertile,
Par toy à l'esprit fâche',
Le plaisir est reiâche'.

Puisse donques tousiours viure

De Cadme le docte liure
Et les muses, & tous ceux
Qui en seront soucieux.