De Gulden Passer. Jaargang 60

26. Sobriè potandum.

Le Nil est nourrissant des malings animaux,

Si bien qu'il est pas seur de boire de ses eaux:
Dont le chien qui le sçait par longue experience
Quand la soif le contrainct, lourdement ne s'aduance
Pour y boire à long traicts: mais sagement craintif
Il lappe sur le bort sans estre trop hastif,
Se gardant du venin qui dedans l'eau se porte
Il boit bien sobrement, & garde en ceste sorte
Qu' en beuuant il ne soit tué subitement.
Mais helas! de combien pechent plus lourdement
Les yurognes vilains qui sans cesse s'engorgent
Du vin tant precieux, & seulement se forgent
Comme gens ébetez, le dieu qu'il font d'un verre,
L'esprit en est gasté, & en noise & en guerre
Ils consument leurs tours, ils sont hommes de corps
Qui ont banny raison, & resemblent les morts.