De Gulden Passer. Jaargang 60

42. Dolus ineuitabilis.

Bien que l'on ayt cent yeux auec l'obeissance

D'autant de seruiteurs, si est-ce qu'on s'est veu
Par certainte industrie estre souuent deceu,
Et par cela qui a de verité semblance.
Rien n'est si bien caché ny si bien maintenu
Que par fraude ne soit defaict & recogneu.

Argus est vigilant, toutesfois par Mercure

Il est enseueli auec vn doux chanter
He! qui est celuy la qui se peut exempter
De l'embusche couuerte en fausse couuerture?
O combien par sur tout l'amy est à priser
Dont la parfaicte foy ne se veut desguiser!

Mais peu nous en trouuons de pareilles en nostre aage,

[p. 43]

 

Chacun vit pour soy-mesme, & chacun est seduict

 

Par finesse qui or toute chose conduict

 

Argus le gardien fut tue' par outrage,

 

En s'estant endormy dessouz les doux accords

 

Du Dieu qui par finesse empêcha ses efforts.

 

Apres fut embelly de sa despouille belle

 

De l'oiseau de Iunen le plumage excellent,

 

Qui tousiours vers la queuë apparoist esclairant,

 

Tout ainsi comme vn feu qui sans cesse estincelle:

 

Ainsi pouuons nous voir que d'un glaiue outrageux

 

Procede la clarte' d'un Soleil radieux.