De Gulden Passer. Jaargang 60

55. Generosis DD. Marco & Ioanni Fuggeris fratribus.

Celluy la qui premier posa dans l'escusson

Des Foukers genereux les deux fleurs excellentes
Que les lis ont porte', dist en ceste façon:
Si le temps aduenir & les vertus constantes
Adioustent quelque chose aux fleurs que i'ay porte',
I'entens que cela soit de mesme authorite'.

L'esperance fut telle: & ainsi la vertu

Auec la renommee est en leurs armoiries.
Vertu leur a donné vn bien peu debatu
Non du sort incertain les erreurs infinies:
Car c'est de là dont vient la louange & l'honneur
De ceux qui sont venus des hommes de grand coeur.

Viuez donq d'un accord qui augmente tousiours

Voz honneurs redoublez par la docte science.
Nul ne puisse enuier le bon-heur de voz iours,
Nul ne vous puisse aussi faire quelque nuisance,
Soit qu'un soleil se leue, ou qu'il se couche au soir
Puissiez-vous à iamais sa faueur receuoir..