De Gulden Passer. Jaargang 60

61. Deum velle, non cogere.
Ad Ioan. Auratum.

Tout ce qui est en nous, vient du ciel, & profitte

Pourueu qu'on le reçoiue auec vn coeur humain
Car si tu vas fuyant & ne prestes le main
A l'hameçon du ciel, il ne fera poursuitte.

Il faut dire le vray, le grand Dieu de iustice

Amis l'esprit en l'homme afin de regarder
Tousiours deuers le ciel, & si le veut garder
Sur tous les animaux pourueu qu'il obeisse.

Il propose la peine auecq' la recompense,

Il faict bien à qui vent de luy le receuoir,
Et non à qui refuse: il esmeut le vouloir
De ceux qui sont trop froids, qu'en apres il auance.

Pere commun de tous, ta volonte se face,

Reçois nous s'il te plaist en ta felicité,
Bien que iamais de nous ne l'ayons merité,
Toutesfois monstre nous la grandeur de ta grace.