De Gulden Passer. Jaargang 60

64. Generosa vestigia.
Ad Iulium Comitem à Salmis.

De l'aigle le plumage

Tous autres endommage
Chasque oyseau a receu
Alors qu'il fut conceu
Vne propre nature
Quj à tousiours luy dure.

L'aigle du nid dechasse

Auant le temps sa race
Que plus forte elle rend,
Et ainsi luy apprend
De tenir la paupiere
Quuerte à la lumiere.

Et encor retient elle

L'audace naturelle
Des parents genereux,
Qui ont plus soucieux
Aux petits faict apprendre
Le ply qu'il deiuent prendre.

La race aussi diuine

Ayant pris origine
D'un grand Prince ou d'un Roy,
Porte tousiours en soy
Vue marque excellente
Qui son Roy represente.

Le cheual de grand-ame

Au labeur se renflamme
Ou son plaisir il prend.
Iamais de soy ne rend
La colombe poureuse
Vne aigle genereuse.

Ainsi te void-on viure

Et tes ayeuls ensuyure,
Comte des Salmiens,
Car de tes anciens
Nous voyons en ta face
La vertu & la grace.