De Gulden Passer. Jaargang 60

76. Mixtus status ὀυϰ ἄνευ ἄρχοντος πρώτου

Pour bien viure en ce monde il faut suyure l'auette,

Elle a vn Duc, vn Roy, & si a sentiment
De la diuinité qui la faict prudemment
Guerroyer, & garder la loy que lon a faicte.

Le Prince & le Senat par conseil & prudence

Contregarde son oeuure, en guerre il se conduit,
Il donne des honneurs à celuy qui le suit,
Et quant-et-quant aussi l'ignare il desauance.

Ainsi vn Empereur qui veut estre autre chose

Qu'un homme ans profit, il empesche tousiours
Les perils du public, & premier donne cours
Aux statuts & aux loix que luy-mesme il propose.
Tu es tel, Ferdinand, qui nous donne esperance
D'une saincte police, & encor tel sera
Ton Maximilian, qui point ne laissera
De ses diuins ayeuls l'admirable prudence.