De Gulden Passer. Jaargang 60

80. Quibus Respublica conseruetur.

Non, ce n'est pas assez pour bien entretenir

Vis royaume en estat, que seulement tenir
Et le tiltre & le sceptre auecque la couronne,
Qu'aux Roys & Empereurs communement on donne.
Il faut que celluy-la qui entreprend regner
Sache de ses subiects le courage gaigner,
Faisant garder les loix auecque la science,
Faisant paroistre aussi la force & la prudence
De son predecesseur, dont il doibt regarder
Les status & les loix, & soigneux les garder,
Comme garder il doibt celle qu'il aurafaicte.
Qu'il chasse les abus, qu'il serue de retraicte
Aux pauures innocens, defendant ses subiects
Encontre l'ennemy et tels autres obiects.
Qu'il aye argent aussi: car que vault vn empire
Sans l'aide des nerfs propres pour le conduire?
Qu'il soit religieux, qu'il tienne la douceur,
Laquelle il doibt tousiours preferer à rigueur.
Il doibt estre prudent & donner tesmoignage
Par exemple dhonneur de son bening courage:
Car le los de vertu n'est suelement sçauoir,
Mais c'est faire & monstrer & sagement preuoir.
Le Roy faisant ainsi aura l'obeissance,
Et luy & ses subiects iront en accroissance.