De Gulden Passer. Jaargang 60

82. Praecocia non diuturna.

Si tu cueille le fruict auant qu'il ayt attainct

La parfaicte moisson pal la chaleur croissante,
L'esperance long temps ne t'en sera presente:
Mais il cherra fletry & de corps & de tainct,
Il ira pourrissant, & laissé de nature
On le verra subit mourir de pourriture.

Le pied-d'asne le monstre aux medecins, d'autant

Que sa fleur esleuee hâtiue & orgueilleuse
Sur son tige, auant iour se fletrist malheureuse:
Tellement qu'on en trouue aucuns qui vont doubtant
Si naturellement sur vn tige elle porte
Le galge bien aimé d'une fleur si tost morte.

Le hatif amandier n'est point seur en ses fleurs,

Dont seulement trois iours va patroissant la gloire:
Le feu subitement emporte la victoire
Dessus l'humidité par ses grande chaleurs.
La chaleur qui n'a point on peu de nourriture
Se consumant de soy, par soy-mesmes endure.