De Gulden Passer. Jaargang 60

84. Ambitio.

Ceux la qui sont enflez par vaine ambition,

N'ayans rien que la gloire en leur intention,
Ceux la certainement apparoissent semblables
A vne grande peau que l'on enfle de vent:
Car du simple vulgaire ils n'ont le plus souuent
Que les folles fauers a l'heure perissables.

Celluy doncq qui voudra acquerir vn honneur

Celluy par iugement conduise sa faueur,
Vertu le conduira, a la ioye immortelle,
Et par la pieté il sera defendu,
Puis l'honneur luy sera à la parfin rendu
Par ceux qui ont acquis vne louange telle.