De Gulden Passer. Jaargang 60


91. Insignia Mercurij quid? Ad Adrianum Turnebum. Cy du messager des Dieux Mercure l’industrieux Les enseignes ie veux dire, Le coq, le cancre, & le chien, La bourse pleine de bien, La caducee & la lyre, Les aisles & le bourdon, Et le bouc au long menton, Pour monstrer quel il peut estre
[pagina 52]
Prompt d'esprit & bien parlant, Bon larron & vigilant, Apte pour bien tout cognoistre. Le bouc le faict bien disant, Puis la lyre & le serpent Luy monstrent la paix aimee. Il denote par le chien Que garder il se faut bien De parler à la volee. La balance monstre aussi Qu'il faut auoir le soucy De faire esgalle iustice, Le cousteau, qu'il ne faut pas Faire aduancer le trespas: Ou d'vn traistre auoir le vice. On s'ayde du caquet Pour plaider en vn parquet, Et du glaiue l'on s'ayde Encontre les mal-viuans, Les voleurs & les brigans, Et encontre l'homicide. L'on peut aussi r'apporter Ces choses, pour adapter Aux enfans de la science. Aussi le monstres tu bien A ceux qui ont le bien D'entendre ton eloquence.