De Gulden Passer. Jaargang 60

115. Mathiae Coruini Symbolum. Symbolo Ioan. Regis auctum.

Tout ainsi que la louue ne nourrist seulement

Ses petits, mais aussi vne race estrangere,
Comme nous auons veu de Rome la guerriere
Les Ducs cheualereux nourris premierement:
Ainsi est Mathias le bon Roy de Hongrie,
Qui domptant vn chacun à l'esprit donne vie.

Tout le monde approuua vn regne tant heureux

Et ce prince inuaincu merita ceste gloire:
Car recueillant par tout les marques de memoire
Il faict reuiure encor' le labeur des ayeux.
Par son nom seulement il a vaincu la Thrace,
Et du sang respandu la furien se audace.

Qui ne craignott le ioug du royaume puissant

Soubz lequel autrefois l'orgueilleuse Venise
Auecque son lion priante s'est submise?
Pleust à Dieu qu'en ce regne auiourd'huy florissant
Nous puissions tousiours voir de noz princes la gloire
Auoir de ce grand Roy les beaux faicts en memoire.

Mais il faut dechasser la haine & le discord,

Et que chacun d'vn coeur mette la main à l'oeuure,
Qu'vn chacun deuant voy sou vouloir te descouure,
Autrement nous n'aurons iamais asseuré port.
O Maximilian, c'est-or' qu'il le faut faire
Ce pendant qu'en tes mains tu maintiens nostre affaire.

Tu as de ce grand Roy ores le souuenir

Pourchassant l'ennemy qui s'est monstré tant rude,
Et redressant aussi ceste excellente estude
Que non obstant les frais tu veux bien maintenir.
Pour ce faict à iamais l'on aura souuenance
De ton coeur belliqueux & de ta grand' prudence.