De Gulden Passer. Jaargang 60

117. Fidei canum exemplum.

Quel est lamitie' & la foy

Du chien enuers le maistre;
On le pourra congnoistre
Par ceux que i'ay auecque moy.
L'vn est Bombo, l'autre Madel
Resemblant à sa mere,
Aussi bon que son pere
Qu'on dict qui fut iadis tout tel.

Par terre & mer me vont suyuans:

Ils furent naiz en France,
Et n'ont eu congnoissance
D'Italiens ny d'Allemants
En Belge ils m'ont accompagné
Et tost en ma patrie
I'auray leur compagnie,
Car tant dessus eux i'ay gaigné.
Ces chiens ne meritent-ils pas
Auoir renom & gloire,
Qui niera leur memoire
Veu qu'ils suyuent tousiours mes pas?