De Gulden Passer. Jaargang 60

119. Tirnauiae patriae meae arma.

Vne ville est assise en la Hongrie

Que le vulgaire appelle Tirnauie.
Les Rois puissans par la guerre des Turcs
L'ont fait fermer & de tours & de murs.
Là ie fus nay, la ie veis la lumiere,
Là m'alaicta ma nourrice premiere.
Pour armoirie elle porte hautement
Vne grand' roiie, & si a sainctement
Dessoubz vn Christ deux anges qui le tiennent,
Pour nous monstrer que bien peu se maintiennent
Tous les humains, s'ils ne sont soustenus
Et par la main du grande Dieu maintenus.
Iusques icy elle s'est defendue
Des ennemis. autour est estendue
De la Ceres & de Bacchus encor'
Les bleds & vins plus precieux que l'or.
Elle craint Dieu, elle est bonne guerriere,
Elle est marchande, & si est iusticiere.
Que pleust à Dieu qu'elle puisse à iamais
Domptant le Turc, viure en heureuse paix.