De Gulden Passer. Jaargang 60

140. Epitaphium Lotichij S.

Qui est soubz ce tombeau? c'est Lotiche le poete

Et le bon medecin qui fut tant renommé:
Il est soubz ce tombeau pesamment enfermé,
Ayant d'homme de bien la louange parfaicte:
Autant comme Sabin & Stigel il estoit,
Que s'il eust plus duré desia les surmontoit.

Que veulent denoter ces filles esplourees,

Et ces femmes chomant', se signe & ce laurier
Et ce vieillart encor? chacun le veut plourer
L'Allemagne, la Gaule, & les eaux escoulees
Du Tybre Italien: le cigne se fachant
Par vn tel desplaisir donne fin à son chant.

Que veut cest arc en ciel? ainsi comme il se change

En diuerses couleurs, il nous monstre amplement
De l'homme icy viuant le diuers changement.
Estant ieune il souffroit la peine plus estrange
De la guerre & l'estude, & puis eut les douceurs
Que lon peut receuoir de Phebus & ses soeurs.

Puis estant medecin il eust la congnoissance

De cela que contient & la terre & la mer,
De ce qui est au ciel, dans le feu & dans l'air
Puis, helas! il mourut laislant la souuenance
A ceux qui suruivront. Mais ie te veux prier,
Viateur, de couurir ses cendres de laurier.