De Gulden Passer. Jaargang 60

[p. 61]

142. Auaritia huius seculi.
Ad Antonium Muretum.

En ce logis il y a double porte,

Par ceste-cy qui la richesse apporte
Est bien venu, & dans l'autre sans bien
On fait entrer cil qui n'apporte rien.
Les grand maisons sont auiourd'huy fermees
Aux doctes soeurs qui ne sont point aimees.
Et ceste porte ouuerte doublement
De son seigneur monstre l'entendement.
Mais ne pensez vne grande merueille
Si maintenant la Muse ne reueille
Le docte poete: vn auaricieux
Du Dieu Phebus n'est iamais soucieux.
S'il y auoit vn Mecene en ce monde,
Incontinent vne muse feconde
S'esueilleroit, & lors en toutes parts
On chanteroit les plus braues soldarts.
Les vers sont morts, on ne se fait que rire
De celluy-la qui s'apprend à bien dire.
Parmy les cours les doctes sont derniers
Et le beuueurs sont receus les premiers.
Ils font vertu d'estre riches en terre,
Ou d'esgoutter à qui mieux-mieux vn verre.