De Gulden Passer. Jaargang 60

151. Intestinae simultates.

Le pais affligé par ses propres gens-darmes

Et la famille aussi pleine de tel discord
Periront quant-&-quant leurs proces & leurs armes,
Et iamais ne pourront paruenir à bon port.

Le feu prend au logis, Mars est deuant la porte,

Mulciber est dedans, tout se consume en feu
Ce pendant qui soigneux personne n'y apporte
La liqueur qui pourroit l'esteindre peu a peu.

La discorde nourrist le feu ainsi que l'huille.

Il faut donc le chasser, si lon veut viure en paix,
Par elle se nourrist vne guerre ciuile,
Et par elle on est pris dedans se propres rets.

Aristote disoit qu'vn poison plus estrange

Ne se pouuoit trouuer que cil qui se defait.
Il faut donc seulement que prudence le change
C'est la contrepoison de ce venin infect.