De Gulden Passer. Jaargang 60

166. Epitaphium generosi adolescentis
Georgij Bonae. &c.

Cy dessoubz est gisant du païs l'esperance

Les Muses, La Vertu, auec la Piete',
La parfaite amitie' attendant deliurance
Iusque au iour que Christ iugera d'equite'.

O combien ceste mort nous a fait de dommage!

Toutesfois à iamais le renom & l'honneur
Dont Dieu par sa bonté doua se personnage
Ira accompagnant nostre iuste douleur.
Puis quand l'heure viendra qu'il faudra comparoistre
Dedans le grand parquet du iuste iugement,
Alors chascun de nous le pourra recongnoistre
Auecques les heureux viure eternellement.

Ainsi doncques au ciel son ame est bien-heureuse,

Ce pendant qu'icy bas tousiours nous regrettons,
Et que l'oncle plourant d'vne main plantureuse
Bastist à son nepueu le tombeau des plus bons.