De Gulden Passer. Jaargang 60

Mathiae Coruini Symbolum,
Symbolo Ioan. Regis auctum.

115.

Vt lupa non proprios, alienos sed quoque foetus

Vbere nutriuit, Roma, tibi vnde duces:

Sic rex Mathias Hunnorum maximus author

Dum superat cunctos, ingeniosa fouet.

Huius ad imperium concursus totius Orbis

Et fuit inuicto principe dignus honos.

Vndique cogebat veterum monimenta, superstes

Quo foret authorum fama, decensq́ue labor.

Contudit indomitos vel solo nomine Thracas,

[p. 82]

 

⁺ Et pauidos multo sanguine fudit humi.

 

Pannoniae infestae quis non metuebat habenas?

 

Tum Venetum supplex factus & ipse leo est.

 

Ghryphe nec inferior sacer & tunc coruus Apollo

 

Est habitus, presso guttere suauè canens,

 

O vtinam in regnum qui successere, triumphos

 

Conciperent animo, claraq́ue facta ducis:

 

Saeua sed internis cesset discordia rebus,

 

Et proceres concors sensus in arma vocet.

 

Quod nisi iam fiat te Maxmiliane tenente

 

Iura, salus nulla est pòst reditura die.

 

Qui memor illius Geticum moliris in hostem

 

Arma, nec impensis bibliotheca minor.

 

Quae propter laudes repetet bene grata vetustas,

 

Nec minor inceptis gloria semper erit.

+ 162, 163.