De Gulden Passer. Jaargang 60

[p. 87]

⁺ Voluptatis triumphus.

+ 172, 173.

122.

Qvi currus trahitur ceu domitis equis,

Et quo grata voluptas sedet, & penes

Illam quas comites semper habet suas,

Naturam illius innuunt.

Est duplex etenim, suauis, & improba,

Monstrat laeua manus commoda quae vehat

Haec, quae dextra ferat cernis & obuiam.

Albo haec, illa nigro est equo.

Laeuam vina, venus, saepe etiam dolor,

Et facti comes est quem quoque poenitet.

Saltantem stimulo promouet, & puer

Caecus curat equum nigrum.

Sed castae socij sunt bona publica,

Virtutes celebres, gloria, candidi

Lenti auriga, & equi concomitans honor.

Dotes appositas habent.

Tu quicunque sapis, delige dexteram,

Ac laeuam fugito, praemia sunt enim

Aeterna illius, ast huius ab omnibus

Detestanda bono, & pio.

[p. 88]

⁺

+ 174, 175.