De Gulden Passer. Jaargang 60

[p. 109]

⁺ Principium negligentia.

+ 216, 217

158.

Qvid Polyphemus habet? trunco vestigia firmat.

Errat balantum grex, sequiturq́ue ducem.

Caecus at est custos, cui vino lumen ademptum,

Solaturq́ue nouum fistula rauca malum.

Nónne haec conueniunt nostri queîs credita cura est,

Princeps, seu pastor sit ratione carens?

Delitiae priuant quos cernis luce perenni,

Suauibus ac hilares ocia rebus agunt.

Heu cuncta in peius labuntur, fata suprema

Nos captant, reliquus quis pietatis honos?

Quisque suo sensu regitur, conscendit Olympum,

Nec monstrant gressus qui voluere duces.

Vnum Cyclopes oculum, sed fronte gerebant,

Aëre quò in medio fulgura prospicerent,

Ac superûm vates quae essent ventura monerent,

Nunc Polyphpeme orbo lumine lumen eris?