Herbarijs

¶ Quintefolie. Quercus Quinque nervia

[158]

QUintefolie of vijfblat es heet ende droge in den .2. graet. Ende es goet jegen den steen. ende doet wel orine maken Ende ontstopt die niere entie blase. Ende heilt wonden. ende sacht die sweringen. daer omme eist goet in wonden dranke. Ende het suvert die borst van humoren

[p. 423]

[159]

QUercus dats die eyke. Ende es cout ende droge ¶ Die bladere gesoden ende twijf daer in geseten stremmet menstrua. Entie blade gestoten met aysine slaen alle hitte ¶ Eeckelen die op eyken wassen gepulvert ende gesoden ende daer in geseten dien tset uut gaet. doet weder in keeren. ende droget die zenuwen die in tset liggen. Ende stopt den lichame gedronken ¶ Die scorsse vander eyken gemalen entie bladere. dat getempert met wit vanden eye. es goet op tebroken been geplaestert ja in die nuweheit. Ende been die uten lede siin. Dit selve es goet op alle heete steden. Entie bloeme daer af heilt ende droget versche wonden

[p. 424]

[160]

QUinque nervia dats hontsrebbe Si es cout ende droge ende heilt wonden ende alle dingen die suver siin. Ende hets goet in wonden dranke

[p. 425]