Het keurboek der stad Diest

[p. 12]

Van die men met nachte in bordeele vint, xlviij.

1.	Soe wat wive ocht wijfs name die bordeel houden openbaer of heymeleec, daer men eneghen man ocht mans name na de clocke int vorgh. bordeel vint, die sals ghelden xx. s.^(1)
2.	Ende de ghene die men daer vint sal oec ghelden xx. s.
3.	Ende heeft hi wapenen aldaer, die sal hi verliesen.

(1) Dit luidt aldus in B: Item, soe wat wive ocht wijfs name die openbaer bordeel helt, die en sal in enghene ghemeyne heerstrate wonen, maer in de Savelstrate ocht elders buten ghemeyns weghen, aen de vesten, op die pene van xl. s. Ende vint men daer enighen man ocht mans name na die leste clocke, saels ghelden xx. s. Ende heeft hi aldaer wapenen, die sal hi daer toe verliesen.