Het keurboek der stad Diest

Dat de beckere hen coren coepen, ende niemanne anders; ende daer tegen niet gaen, lxi.

1.	Wat beckere die iemanne coren cochte, och diet home dade coepen, elc souds ghelden x. s.
2.	Die teghen coren ghinghen buten der vriheit, of binnen der vriheit om coren te coepene buten den cornhuise, saels ghelden x. s.^(4)

(4) Dit arlikel luidt als volgt in B: Item, die tieghen tcoeren ghienghe buten der vriheit, ocht binnen der vriheit, omme coeren te dinghene ocht te copene buten den coeren huyse, souds ghelden, x. s. Ende dijt loeft ocht vercoept, ocht toent, ocht zacke ontbindt voer dien datter toe gheclopt es, zaels oec x. s. ghelden. Ende des ghelijx van erten ende van bonen. Ende zoe wie jdel zacke henght int coeren huys, ocht daer omtrint op eneken marctdagh van coerne, zaels oec x. s. ghelden. Alsoe dicke als hijt duet.