Dus hilt hi hof te stonden;
Maer gene aventure en hebben si vonden,
Des die coninc was herde drove.
Men leide di taflen na haer behove,
11255[regelnummer]
Ende men ginc in, men ginc ut,
Om iet te vernemene over luut;
Maer men vernam daer op dien dach
Ne gene aventure daer an gelach.
Die coninc [hiet] eten heren Waleweine
11260[regelnummer]
Ende die ridders met hem gemeine,
Maer selve en wildi eten niet.
Des anders dages so es gesciet,
Datmen een scip daer heeft vernomen,
Dat daer te lande nu es comen,
11265[regelnummer]
Dat rikelijcste datmen ie gesach.
Die coninc ginc derward al dat hi mach,
Ende alle sine ridders mede;
Ende alsi quamen daer ter stede
Vonden si int scep ter stont
11270[regelnummer]
Enen doden riddere, gewont
Met enen harde groten scachte
Dor sinen lichame wel een gelachte,
Een gordel men an sine side sach,
11275[regelnummer]
Daer een halmelnier ane hinc,
Daermen ute trac na die dinc
Een paer letteren, daer men in las
Hoe die riddere gedoet was,
Ende dattene die gene soude wreken,
11280[regelnummer]
Die dat trinsoen ut soude treken.
Ende oec haddi an sine haut in scine
Die soude een ander ut trecken gerede,
Die soudene hulpen wreken mede;
11285[regelnummer]
Ende men mochten wreken nembermere
Dan oec metten selven spere.
Doen dit Keye hevet gehord
Quam hi vorden coninc voerd,
Ende bat vrindelike om die sake,
11290[regelnummer]
Dat hi hem daer af geve die wrake:
‘Ende laet mi ut trecken trinsoen.’
- ‘U bede willic gerne doen,’
Sprac die coninc, ‘op desen dach.’
Ende Keye ginc daer die riddere lach
Te treckene; maer hine can
Den spere niet getrecken ut.
Doe trac na hem al over luut
Meliandelijs een riddere goet,
11300[regelnummer]
Maer hi trac al in onspoet.
Doen quam Lanceloet van Lac,
Die oec an dat spere trac;
Maer en can hem niet gescien.
Si waren tebarenteert van dien,
11305[regelnummer]
Dat hen ontfacht, alsict vernam.
Daerna trac min her Tristram,
Diet oec moeste laten daer.
Dus trocken si algader daer naer;
Maer het bleef al ongedaen.
11310[regelnummer]
Doen quam min her Walewein gegaen
Met enen gestadigen mode, Godweet,
Ende trac dat spere ut gereet,
Dat daer sulc beneet wel sere.
Doe bat die coninc Waleweine den here:
11315[regelnummer]
‘Nu trect vord an die vingerline!’
Hi trac, maer met en gere pine
En const hise daer gebringen ut.
Doen trocken si alle over luut,
Maer en bescoet hen niet een stroe.
11320[regelnummer]
Doen dede die coninc gebiden daertoe,
Datmen den doden riddere leide
Vore die zale optie wegesceide
Ofte daer ieman lede tier ure
11325[regelnummer]
Die daertoe dochte overluut,
Dat hi die vingerline trocke uut.
Ende doen dit al was gedaen
Ginc die coninc te hovewaerd saen;
Ende men leide taflen ende ginc eten.
11330[regelnummer]
Alles diesmen conde geweten
Brachtmen ten taflen daer, dat wet.
Ende binnen dien datmen dus et
Quam een riddere daer gereden,
Die de vingerline ut trac ter steden,
11335[regelnummer]
Ende voretse wech daer in sine hant.
Dit sach daer doe een seriant,
Ende sout den coninc secgen gaen,
Maer Keye heften wederstaen
Ende seide dat hi swege daer of
11340[regelnummer]
Tot datmen geten hadde int hof.
Ende hierenbinnen es Keye gegaen
Ende sat op sijn ors saen,
Ende volgede den here met snelre vaerd
Al dat gelopen mochte sijn paert,
11345[regelnummer]
Tot an een bosch, daer hi vernam
Dat een riddere gereden quam
Op een cranc mager rosside.
Keye vraclidem doe ten tide
Warombe hi so sere vliet?
11350[regelnummer]
Die ander seide: ‘Oft gijt gebiet,
Ende volget mi, dat seegic u.’
Keye seide: ‘Blieft met mi nu:
11355[regelnummer]
Hine werd heden soe coene
Dat hi u iet bestaet te doene.’
- ‘Here, magic dan coenlijc bliven hier?’
- ‘Jagi, al ware hi noch alse fier.’
Ende binnen deser selver stede
11360[regelnummer]
Sagen si waer quam gereden
Gene riddere, ende heeft gesteken
Sinen viant ter irster queken,
Eert hem Keye benemen conde,
Soe dat hi doet viel ter selver stonde.
11365[regelnummer]
Dies balch hem Keye herde sere,
Ende seide: ‘Gi hebt mi gedaen onnere,
Want ic hadde desen goden man
In min geleide.’ - ‘So wreket dan,’
Sprac die ander; ‘maer ic rade bat
11370[regelnummer]
Dat gijt laet varen nu ter stat,
Ende vaert daer gi hebt te doene.’
Keye sprac: ‘Sidi soe coene,
Soe boet u jegen mine steken,
Want ic salne op u wreken,
11375[regelnummer]
Wats gesciet.’ Dus scieden si
Om te bat te pongieren daer bi;
Ende Keye heeft den genen gesteken
Dat sijn spere moeste breken;
Ende die ander stakene weder
11380[regelnummer]
In die scoudere, dat hi viel neder
Vanden parde sere gewont.
Die ander litene liegen ter stont
Ende keerde saen sijn paerd,
Ende voer weder te woude waerd.
11385[regelnummer]
Binnen desen hadde di coninc geten.
Doe quam die knape ende liet hem weten
Vanden riddere, die hadde genomen
Die vingerline, ende hoet hem benomen
Hadde Keye, dat hi sweech,
11390[regelnummer]
Want hi naden riddere creech.
Ende eer volseit waren die word
Soe quam een ander knape vord
Ende vertelde den coninc al die dinc,
Hoet met Keyen hier vore verginc,
11395[regelnummer]
Ende dat hi sere ware gewont.
Doe seide die coninc ter selver stont:
‘Keye heft mi menegen toren gedaen.’
Hi hitene halen harde saen,
Ende sine oec lachterlike begaden,
11400[regelnummer]
Dattie knapen gerne daden.
| |
Auteursrechtvrij