Den Bybel met groter neersticheyt ghecorrigeert (Liesveltbijbel 1542)

¶ Hier worden ghetelt ende ghenoemt die Coninghen dye vanden Israeliten verslaghen sijn, der welcker sijn eenendertich

Dat .xij. Capittel.

[afbeelding]

1

⁺DIt sijn die Coninghen des landts, dye die kinderen Israel sloeghen, ende namen haer landt inne, ouer geen side der Iordanen, teghen der sonnen opganck, vanden water Arnon aen, tot aenden berch Hermon, ende alle dat velt tegent oosten,

+ A vers 1

2

Sihon dye coninck der Amoriten, die tot Hesbon woont, ende domineert van Aroer aen, die aent oeuer leydt des waters Arnon, ende te midden int water, ende ouer dat halue Gilead, tot aen dat water Iabok, dat die pale is der kinderen Amon,

3

ende ouer dat black veldt, tot aen die zee Cinerots, tegent oosten, ende tot aen der zee des blacken veldts, te weten, die soute zee oostwaerts des weechs tot BethIesimoth, ende van tzuyden onder aen die beken des berchs Pisga.

4

⁺Daer toe die palen des Conincx Og tot Basan, die noch van Raphaim ouerbleuen was, ende woonde tot Astharoth ende Edrei,

+ B vers 4

5

ende domineerde ouer den berghe Hermon, ouer Salcha ende ouer alle Basan, tot aen die palen Gesuri, ende Maachati, ende des haluen Gilead, welck die pale was Sihon des Conincx tot Hesbon,

6

Mose die knecht des HEREN, ghafse in te nemen den Rubeniten, Gadditen, ende den haluen stam Manasse.

7

⁺Dit zijn die Coninghen des lants, die Iosua sloech ende die kinderen Israhel, op dees side der Iordanen, teghen den westen, van BaalGad aen, op die breyde des berchs Libanon, tot aenden berch die dat lant opwaerts tot Seir scheydet, ende dat Iosua den stamme Israel ghaf inne te nemene, elcken sine deel,

+ C vers 7

8

wat opten gheberchten, nederen lande, blacken velde, aen beken, in woestijnen, ende tegen het zuyden was, die Hethiten, Amoriten, Cananiten, Pheresiten, Heuiten, ende Iebusiten.

9

⁺Die Coninc tot Iericho, die coninck tot Ai, die ter siden aen BethEl leyt,

+ D vers 9

10

Dye coninc tot Ierusalem die Coninc tot Hebron,

11

die coninc tot Iarmoth, die coninc tot Lachis,

12

die coninck tot Eglon, die coninc tot Geser,

13

die coninck tot Debir, die coninc tot Geder,

14

die coninck tot Harma, dye Coninck tot Arad,

15

die coninck tot Libna, die coninc tot Odullam,

16

die coninc tot Makeda, die coninc tot BethEl,

17

die coninc tot Tapuah, die coninc tot Hepher,

18

dye coninck tot Aphek, die coninc tot Hazaron,

19

die coninck tot Madon, die coninck tot Hazor,

20

die coninck tot Simron Meron, dye coninck tot Achsaph,

21

dye Coninck tot Thaenach, die coninck tot Megiddo,

22

die coninc tot Kades, die coninc tot Iakmeam, aen charmel,

23

dye coninck inder heerschappien tot Dor, die coninc der Heydenen tot Gilgal,

24

die coninck tot Tirza, dat sijn eenendertich coninghen.