Den Bybel met groter neersticheyt ghecorrigeert (Liesveltbijbel 1542)

¶ Vanden dienst ende oordinancie der poortiers ende haer officiers.

Dat .xxvij. Capittel.

1

⁺VAnder oordineringe der poortiers oft doorwachteren, Onder dye Korhiten was Meselemia, die sone Kore, wt den kinderen Assaph,

+ A vers 1

2

Die kinderen Meselemia waren dese, De eerste geborene Sacharia, die tweede Iedaiel, die derde Sebedia, dye vierde Iatniel,

3

die vijfste Elam, die seste Iohanan, die seuenste Elioenai,

4

Dye kinderen Obed Edom waren dese, die eerste geborene Semaia, die tweede Iosabad, die derde Ioah, die .iiij. Sacur, dye .v. Nethaneel,

5

die seste Ammiel, de .vij. Isaschar, die achste Pegulthri, Want God had hem gesegent,

6

ende sinen sone Semaia, werden ooc sonen gheboren die inden huyse haerder vaderen heerschten,

7

Want het waren stercke ruesen, So waren nv die kinderen Iemaia, Athni, Raphael, Obed ende Elsabad, dies broederen redelike lieden waren, Elihu ende Samachia,

8

dese waren alle wt den kinderen Obed Edom, Sy met haren kinderen ende broederen, redelike lieden, bequaem tot officieren, waren tweentsestich van Obed Edom.

9

⁺Meselemia hadde kinderen ende broederen redelijke mannen achthien

+ B vers 9

10

Hossa wt den kinderen Merari hadde kinderen den prinicpaelsten Simri, want dye eerste geboorne en was nyet daer. Daerom sette hem sijn vader tot eenen principalen.

11

Den anderen Hilkia. Den derden Thebalia. Den vierden Sachaia Alle kinderren ende broederen Hossa waren derthiene.

12

Dit is die ordineringhe der poortiers, onder den hoofden der vromer aent officie, neffens haren broederen om te dienen inden huyse des HEREN,

13

ende dat lodt wert geworpen den cleynen gelijc den groten, onder haerder vaders huyse, tot eender yegelijcker poorten

14

Dat lodt tegent oosten viel op Meselemia. Mer sinen sone Sacharia, die een cloeck raetsman was wierpmen dlot ende viel op hem noort waert.

15

Maer Obed Edom zuydtwaert, ende zijnen soone by den huyse

[p. *]

Esupim,

16

ende Supim ende Hossa westwaert bi die poorte Salecheth, op die strate der brantofferen daer deen bewaringe neffens dander staet.

17

Oostwaert waren Leuiten ses, noortwaerts tsdaechs vier, zuytwaert des daechs vier. By Esupim twee ende twee,

18

⁺Aen Parbar westwaert vier aen die strate, ende twee aen Parbar.

+ C vers 18

19

Dit zijn die ordineringen der doorwachters onder den kinderen der Korhiten, ende den kinderen Merari,

20

Vanden Leuiten was Ahia, ouer dye schatten des huys Gods, ende ouer die schatten die geheylicht worden.

21

Vanden kinderen Laedan, die kinderen der Gersoniten Van Laedan waren hoofden der vaders, te weten, dye Iehieliten.

22

Die kinderen der Iehieliten waren Sethan ende sine broeder Ioel, Die scatten des huys des HEREN waren

23

onder den Amramiten, Iezehariten, Hebroniten, ende Vsieliten

24

ende Sebnel die sone Gerson des soons Moyse, was prince ouer die scatten.

25

Mer zijn broeder Eliezer hadde eenen sone Rehabia, dies soon was Iesaia, ⁺ dyes soons was Ioram, dies soons was Sichri, dies soon was Selomith,

+ D vers 25

26

die selue Selomith ende zijn broeders waren ouer alle scatten der geheylichden, welc die coninck Dauid heylichde, ende die ouerste vaders onder die ouersten ouer duysent, ende ouer hondert, ende die ouerste int heyr.

27

Van strijden ende roouen hadden zijt geheylicht, om te pareren dat huys des HEREN,

28

ooc allet wat Samuel dye Siender, ende Saul die sone Kis, ende Abner die sone Ner, ende Ioab die sone Zeruia geheylicht hadden, Allet geheilichde was onder die hant Selomith, ende sijnder broeders.

29

Onder den Iezehariten, was Cenama, met sinen sonen totten werck daer buyten ouer Israhel, officiers ende rechters.

30

Onder den Hebroniten was Hasabia ende sine broeders, redelijcke lieden, duisent ende seuen hondert ouer die officiers Israhel ouer dese side der Iordanen westwaert, tot alderhande wercken des HEREN, ende den coninc te dyenen.

31

Item onder den Hebroniten was Ieria dye principale ouer dye Hebroniten zijns geslachts, onder den vaderen.

32

Onder hen worden gesocht ende geuonden inden veerthiensten iaer des Conincx Dauids redelijcke mannen, tot Haeser in Gilead,

33

ende hare broeders redelijcke mannen, twee duysent, ende seuenhondert ouerste vaders, ende Dauid settese ouer die Rubeniten, Gaditen, ende den haluen stam Manasse, tot alle hantieringe Gods ende des conincx.