Den Bybel met groter neersticheyt ghecorrigeert (Liesveltbijbel 1542)

¶ Die Apostel bethoont ons hoe wi ons hebben sullen tegen dye princen oft tegen ketters, ende stelt na een groetenisse.

Dat .iij. Capittel

1

⁺VErmaentse dat si den Princen ende geweldigen onderdanich zijn, der ouerheyt gehoorsaem, tot alle goeden wercken bereet te sijn,

+ A vers 1

2

nyemant lasteren, niet kijuen sedelijc, wijselijc, alle saechtmoedicheit te bewijsen tegen alle menschen.

3

Want wi sijn oock in voortijden onwijs geweest, onghelouich, dwalende, dienende den wellusten ende menigerley begeerten ende wandelende in boosheden ende nijt, hatelijc, haer seluen onder malcanderen hatende.

4

† Maer doen die vriendelicheyt ende die ^a beleeftheit Goods ons salichmakers openbaerde,

a beleeftheydt is cracht wt haer seluen geneycht yemanden wel te doen psal xiiij

5

niet om der wercken wille der rechtueerdicheit die wi gedaen hadden, mer na sijnre bermherticheydt maect hi ons salich, door dat bat der wedergeboorten, ende der vernyeuwinge des heyligen geests,

6

welc hi heeft wtgegoten rijckelic ouer ons, door Iesum Christum onsen salichmaker,

7

op dat wi door sine genaden gherechtueerdicht, ⁺ erfgenamen souden sijn des eewichs leuens, na der hopinge. * Dats is ymmer ghewislic waer.

+ C vers 7

8

Dit wil ic dat ghi drijft, op dat die, die in God geloouich sijn geworden, hem beneerstighen in goeden wercken die vernaemste te wesen. Dese dingen zijn goet ende orberlic den menscen.

9

Sotte questien ende der geslachten register des kijuens ende des strijdens ouer die wet die ontslaet v Want si sijn onnut, ende ydel.

10

Eenen afgedeelden mensche scouwet, als hi eens oft tweemael

[p. *]

vermaent is,

11

ende weet dat, die sodanich is, die is verkeert, ende sondiget, als die hem seluen veroordeelt heeft

12

⁺Als ic tot v seynden sal Arteman oft Tichicon, so coemt haestelic tot mi te Nicopolin, want daer heb ic besloten mijnen winterleger te hebben.

+ D vers 12

13

Zenam den scriftgeleerden, ende Apollo seyndt met neersticheyt voor, op dat haer niet en ghebreke. Ende laet oock die onse leeren die in goede wercken die vernaemste sijn, ist dattet die nootdrufte eysschet, op dat si nyedt onuruchtbaer en sijn.

14

Het groeten v alle die met my sijn Groetet alle die ons lief hebben int ghelooue, Dye ghenade si met v allen Amen.

Ghescreuen wt Nicopoli in Macedonia.