Den Bybel met groter neersticheyt ghecorrigeert (Liesveltbijbel 1542)

¶ Hoe Iohannes prophetert dat den tempel vertreden sal worden, ende vander beesten die vander zee opclimmen soude ende vanden seuensten engel met den trompette.

Dat .xi. Capittel

¶ Die elfde Figuere.

[afbeelding]

1

⁺ENde mi wort een riethalm gegeuen, eender roeden oft stocxken gelijc, ende mi wort gheseyt? Staet op ende metet den tempel Gods ende den outaer, ende die daer in aenbedende sijn,

+ A vers 1

2

ende den binnensten choor des tempels worpt wt ende en metes niet, want hi is den Heyenen ghegeuen, Ende si sullen die heylige stadt tweenveertich maen-den vertreden,

3

ende ic wil mijnen tween getuygen gheuen, ende si sullen duysent twee hondert ende tsestich dagen propheteren met sacken gecleet.

4

Dese zijn twee olijfbomen, ende twee fackelen voor den Gode der aerden staende.

5

Ende ist dat hen yemant wil letten oft scaden, so gaet dat vuer wt haren monde ende verteert haer vianden, ⁺ Ende ist dat hen yemant wil letten, die moet so gedoot worden.

+ B vers 5

6

Dese hebben macht den hemel te sluyten, dattet niet en reeghen inden dage haerder prophecien, ende si hebben macht ouer die wateren, die in bloet te veranderen, ende die aerde met alder hande plage te slaen, so dicwil als si willen

7

Ende als si haer getuygenisse geeynt hebben, so sal dat vier dat wten afgront opclimt, tegen haer eenen strijt houden, ende salse verwinnen, ende salse doden,

8

ende haer lichamen sullen liggen op die straten der groter stadt, die daer geestelic Sodoma ende Egipten heet, daer onse HERE ghecruyst is.

9

⁺Ende sommige vanden volcken ende geslachten ende tongen sullen haer lichamen drie dagen ende eenen haluen sien ende en sullen haer lichamen niet in die grauen laten leggen

+ C vers 9

10

ende die opter aerden wonen, sullen haer verblijden ouer haer ende si sullen wel leuen ende malcanderen gauen seynden, want dese twee propheten queldense die opter aerden woonden

11

Ende na drie dagen ende eenen haluen ginc die geest des leuens van God in hen, ende si stonden op haer voeten, ende daer viel een groote vreese op die ghene diese saghen

12

ende si hoorden een luyde stemme vanden hemel tot hen segghende? Climt op, ende si clommen op inden hemel in een der wolcken, ende haer vianden saghense,

13

⁺ende inder seluer vren gheschiede een grote aertbeuinge, ende dat thiende deel der stadt viel, ende inder aertbeuinge worden seuen duysent namen der menschen ghedoot, ende die ander worden veruaert, ende ghauen prijs Gode des hemels

+ D vers 13

14

Dat ander wee is wech gegaen, Ende siet, dat derde wee sal vollijc comen.