Het liedboek van Liisbet Ghoeyuaers

[p. 211]

Bijlage I Gebed van dertig dagen uit handschrift 74 F 2 van de Koninklijke Bibliotheek te Den Haag.¹

⁺ Een deuoot ghebet van

onser lieuer vrouwen marien. oracio
O Edel coninghinne der heme-
len ende reyne maghet ma-
ria. moeder alre ontfermherticheit
ende mildicheit. om den bitteren
rouwe ende die grote bedroefnisse dijns
herten ende dijnre edelre zielen die ghi
hadt. doe ghi saghet uwen lieuen soen
ihesum christum hanghende anden cruce
yammerlike steruen. Ende om dat grote
medeliden dat v lieue kint van rechter
⁺ mynnen tot v hadde doe hi v sach in gro-
ter bedroefnisse. doe hi v beual sinte
iohan tot enen behoeder Soe waerlic
bidde ic v edel waerde vrouwe ende ma-
ghet maria dat ghi wilt uwe ontferm-
hertighe oghen keren op my arme
sondighe mensche. ende wilt my troosten
in alle mine bedroefnissen. ende helpet
my wt alle minen noden. Want ghi een
milde moeder sijt alre bedroefder herten.
Daer om wilt my horen edel moeder ende
milde reyne maghet maria. in mijnre
noot in mijnre bedroefnisse. in minen
screyen ende in minen carmen. Want ic
in groter swaerheit mijnre sonden bin.
ende ic en weet niet tot wien ic vlien sel
anders dan tot v lieue edel vrouwe.
ende moeder ihesu christi. Want du biste een
troosterynne ende een vreedmaecster
tusschen den sonder ende uwen lieuen soen
Daer om keer nv dine ontfermhertighe
⁺ oren tot my ende hoer mijn ghebet. ende ver-
werf my ghenade. om die onspreke-
like mynne dijns lieuen kints die hi had-
de tot allen menschen. doe hi hier neder
quam wt sijnre glorien ghesent van
sinen vader mitten heylighen gheest in v
maria menschelike natuer an te nemen.
ende neghen maenden edel vrouwe in uwen
lichaem rusten woude Ende na neghen
maenden van v edel maghet ons ghe-

1 Deze versie werd gekozen omdat zij het meest gelijkt op de prozatekst in het Parijse handschrift. De in het handschrift voorkomende abreviaturen zijn opgelost.

+ 192ro

+ 192vo

+ 193ro

[p. 212]

 

boren wert. Doer alle dat liden dat hi

 

doer ons gheleden heeft. doer den groten

 

anxt die v lieue soen hadde anden.

 

berch van oliueten. doe hi sinen vader

 

anbadt dat hi hem woude verdraghen den

 

kelc sijnre pinen. Om die grote bedroef-

 

nisse ende om dat bitter liden dijns herten.

 

ende dat yammerlike screyen ende carmen

 

dat ghi hadt doe ghi uwen lieuen soen

 

nauolchden tot sijnre passien. Ende

 

om die grote versmadenisse die v lieue

 

⁺ kint wert ghedaen. als in spotten in sto-

 

ten. ende in slaen. in verspuwen ende in voer-

 

wert horten dat sien horteden doe hem

 

die ioden an deden een purpercleet.

 

Ende op sijn ghebenedide hoeft setten si

 

een doornen crone. doe si riepen. wes

 

ghegruet coninc der ioden. Om die ban-

 

den ende om die gheselen daer hi mede

 

ghebonden ende ghegheselt wert. Ende om

 

sijn bittere tranen die hi screyede in drien

 

stonden Ende om sinen bitteren anxt. ende om

 

sine grote bedroefnisse ende veruaernisse

 

dien hi hadde teghen den doot. doe hi

 

zwetede water ende bloet Ende om die

 

scaemte die hi leet doe hi naect henc

 

anden cruce. voer v edel vrouwe. ende

 

voer alle den ghenen die daer waren. Om

 

die doornen crone die hi droech bitter-

 

like op sijn ghebenedide hoeft Ende om

 

den dorst die hi leet. ende om den dranc

 

edic ende gallen die hem te drincken ghege-

 

⁺ uen was ende smaect. Ende om sijn zwigen

 

ende grote verduldicheit dat hi hadde in

 

sinen liden. Ende om alle di pine die hi

 

leet doe hem die ghebenedide syde mit

 

enen speer wert opgheloken. daer water

 

ende bloet wt ran ende vloeyde. daer ons

 

of toe gheuloeyt is ontfermherticheit ende

 

alle ghenade Om sine ghebenedide han-

 

den ende voeten die doer gheslaghen waren

 

mit plompe naghelen Om dat beue-

 

len dat hi sijn edel ziel beual sinen vader

 

Ende om dat lude roepen dat hi anden cru-

 

ce riep. heli. heli. lamasabatani. dat

 

is mijn god mijn god waer om hebstu mi

 

ghelaten. Om die grote bitterheit die

 

sijn soete herte leet doe hi sijn hooft ney-

+ 193vo

+ 194ro

[p. 213]

 

ghede ende sijn gheest offerde sinen vader Ende

 

doe hi sprac. nv ist al volbrocht. Om

 

die barmherticheit die hi den scaker be-

 

wijsde. doe hi hem versekerde dat paradijs

 

Om sinen bitteren doot ende begrauinge.

 

⁺ ende om die wonderlicheden die daer ghescie-

 

den in sijnre doot: doe die sonne ende die

 

mane verdonckerden. ende die aerde beuede

 

ende die stenen ende die gordinen die inden

 

tempel henghen scoerden. Ende om die

 

vaert die hi neder voer ter hellen. doe

 

hi sine vrienden daer wthaelde mit gro-

 

ter blijscap Ende om die blijscap sijns

 

zeghes die hi ende alle sine vrienden had-

 

den in sijnre opuerstandenisse. Ende om

 

die openbaringhe die hi dede bynnen

 

den viertichsten daghe sijnre opuerstande-

 

nisse v edel vrouwe ende alle sine vrien-

 

den in groter blijscap. Om die wonder-

 

like opuaert die hi dede mit sinen

 

wonden dattu mit dinen wenenden ogen

 

saghes ende alle sine iongheren Ende om

 

die gracie ende ghenade des heylighen

 

gheestes. daer hi mede verlichtede die

 

herten sijnre iongheren dat si mit eenre

 

tonghen spraken. Om die veruaerlike

 

⁺ dach sijns lesten oerdels als hi comen

 

sel te oerdelen die leuende ende die doden.

 

ende alle die werelt mitten vuer Ende om

 

dat medeliden ende pine die du haddes mit

 

dinen lieuen kinde. doe hi was in die werelt.

 

Om alle den troost sijnre mynliker woer-

 

den ende sijnre liefliker wanderinghe die

 

du haddes in deser tijt van sijnre teghen-

 

woerdicheit. Ende om die onsprekelike

 

vroechden die du edel vrouwe haddes

 

doe du wordeste gheuoert bouen alle

 

choren der enghelen. ende gheset totter rech-

 

terhant dijns lieuen kindes. ewelic mit

 

hem te regnieren inder glorien. Amen

 

O Maria edel moeder Ghebet.

 

ende reyne maghet. om alle dese

 

vermaninghen die ic di nv vermaent hebbe

 

soe verblijt nv mijn arme sondighe herte

 

Ende keer nv dijn ontfarmhertighe

 

oren tot mi arme sondighe sondaer.

 

ende hoer mijn ghebet. Ende verwerf my

 

⁺ van dinen lieuen soen gracie ende ghenade.

+ 194vo

+ 195ro

+ 195vo

[p. 214]

 

ende alle dinc daer ic nv om bidde. dat

 

verwerf alsoe verre alst sijn lof is ende

 

mijn salicheit. Hier leest een. Aue maria.

 

ende bidt dattu begheerste: Want ic wel

 

voerwaer weet ende seker bin ende niet

 

en twiuel. soe wie v eert ende aenbedet

 

dat hi vercrighet alle sijn begheerte.

 

Daer om bidde ic v edel vrouwe ende

 

salighe maghet maria om uwe soete

 

mildicheit dat ghi mi haestelic ende son-

 

der merren te hulpe comet. soe dat ic moet

 

verweruen die wille ende begheerte mijns

 

herten. ouermits uwes ghebedes by uwen

 

lieuen kinde: hi mi moet stercken inden

 

rechten gheloue. ende hi mi gheue gansen

 

hope. recht berouwe. ende waer biecht.

 

volcomen penitencie. luter mynne tot

 

gode ende tot minen euen kersten. ende sorch-

 

uoudighe hoede teghen die sonden: ende

 

die fonteyne der tranen mijnre oghen. ver-

 

⁺ smadenisse der werelt. verduldicheit in allen

 

liden dat my toecoemt. Ende dat hi druc-

 

ke sijn liden ende sijn pijn in mijnre herten.

 

ende hi my moet gheuen starcheit in allen

 

goeden werken. ende reyne wanderinghe

 

die di behaechlic sy. ende enen voersienen

 

doot mit volcomenre sprake. ende

 

rechte bekennisse. ende een goet salich

 

eynde. ende alle menschen gracie. Ende

 

alle ghelouighe zielen rust ende vrede.

 

Amen.

+ 196ro