Liedboek van Kathryn van Hatzfeldt



[Folio 20v]
XXIII. Nů hayn jch alle myn dage gehoyrt, wie scheyden sy eyne sůaere pyn, so hait es my noch nye gebůrt Dat jchs mocht ynnen worden syn, dan nw alleyn, so jch die reyne vnd aller schoynste vff erden, muß laissen staen, und sall nyet hayn, van yer all wat myn hertz begert. Myn hertzs begert nyet anders me, dan wat zů freůden und eren zempt, wolde glůck sult ich balde weder keren, dat ich me hoirt die Engels styme, yn eynem hůyß, zům vynsteren vys, mach myr myn hertz entbrennen, myt groisser bracht, die lieffde macht, dat ich nyet kundt besynnen. Myt freůden steych ich vff dat dach, dae by der aller schoenster hůyß, dae reckt sy myr zo důysentfalt, yere hendtger wyss zom vynsteren vuß, dat brachte myn hertze groyssen smertz, dat jch so balde moest weder aff, jch sagh mych vmb vnd weder vmb, hatt freůde vnd leyt jch armer knaff.