Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Volksboek van Margarieta van Lymborch (1516) (1952)

Informatie terzijde

Titelpagina van Volksboek van Margarieta van Lymborch (1516)
Afbeelding van Volksboek van Margarieta van Lymborch (1516)Toon afbeelding van titelpagina van Volksboek van Margarieta van Lymborch (1516)

  • Verantwoording
  • Inhoudsopgave

Downloads

PDF van tekst (2.09 MB)

Scans (13.52 MB)

XML (0.74 MB)

tekstbestand






Editeur

F.J. Schellart



Genre

proza

Subgenre

roman


© zie Auteursrecht en gebruiksvoorwaarden.

Volksboek van Margarieta van Lymborch (1516)

(1952)–Anoniem Limborch, Roman van Heinric en Margriete van–rechtenstatus Auteursrecht onbekend

Vorige Volgende
[pagina 36]
[p. 36]

Hoe heyndrick van lymborch verdoelde int woudt van ardennen. ende hoe hi eenen ridder verloste vander doot. ende hoe hi die rovers versloech.

Dat. XXXIX. capittel.

DIE barlike duvel die speelt hier mede. datter met een vincxken en comt gevloghen. wel aen mijn knechten, elc stelle hem op sijn hoede. hier int wout van ardennen daer pleghen te passeren cooplieden wt vrancrijc. wt lymborch. ende wt brabant. laet ons alle passagen verspien. Die ander rovers seyden totten cappeteyn vanden rovers wi hebben wat vernomen. siet ghinder in die valleye daer comt een ghereden het sal wat vets sijn. gaewij hem aen also si deden. als hi bi hem lieden quam so namen si hem ende worpen hem vanden paerde. ende si namen properlic alle sijn ghetuych af van sinen live. ende wilden hem binden aen eenen boom. ende laten hem daer staen sterven van hongher. Die ridder badt seer sijns lijfsghenade. mer ten halp niet. Met dien so quam heyndrick aenghereden. ende hoorde dat geruchte ende sach dat si desen riddere dese fortse deden. doen trac heyndric sijn swert wt ende sloech dapperlic inden hoop. also dat hijer een ofte twee velde. eer dat si hem ter weer consten stellen. Ende hi seyde vrient neemt een mes ende slaet mede inden hoop. ende sloech doe so fellic mede datter een deel rovers doot bleven. ende die ander liepen blijdeliken wech om dat si tlijf ontdraghen mochten. Die ridder die dancte heyndric seer om dat hi hem verlost hadde vanden rovers. die hem ghedoot souden hebben. Heyndric seide ic hebt herteliken gaerne ghedaen mer bi orlof moet ic u vragen van waer dat ghi sijt. oft wt wat steden ende hoe uwen naem is. ende waer ghy heenen wilt. Doen antwoorde die riddere ende seide. ic heete Arnout van ardennen. ende gheboren wt brabant. ende ic soude varen te baten den bisschop van Triere. die beleghen is vanden hertoghe van loreynen die welcke den bisschop verongheliken wilt. ende hem afwinnen sijn bisschopdom. Ende wil hem verdriven. ende om te corrumperen ende tot niet te brenghen dat recht der heyligher kercken ende om te setten den bisschop van sijnder officien sonder eenighe saken oft reden Als heyndric dese woorden hoorde so seyde hi. dats quaet gedaen. ende teghen dat ghebot gods. maer wie sijnse die metten hertoghe aenspannen om hem te verdriven. Doen seyde arnout die ridder. daer is bi den hertoghe van loreynen die coninc van beemen, die hertoghe van beyeren. ende die hertoge van oostenrijcke. die grave vanden baren. dese ligghen al te samen met groter menichte van volcke voor die stadt. Als heyndric dat hoorde so seide hi. herridder ic danc u dat ghi mi dit verclaert hebt. ende ic sal u bi bliven ende met u varen tot hi den bisschop. ende helpen hem sijn onrecht keeren. ende stercken die heylighe kersten kercke. also een yeghelic schuldich is van doene. Arnout verblijde als hi dat hoorde. maer bi orlof her ridder, waer waert ghy op den wech heenen als ghi hier quaemt. ende hoe is uwen name Mettien sprac heyndric ic ben van lymborch geboren. ende ic hete heyndric van lymborch. ende die hertoge otto dat is mijn vader. ende ysabeele is mijn moeder. Doen seyde die ridder arnout. sidy dit heyndric mijn toe. comende prince. ic ben in brabant geboren mer int lant van lymborch woonachtich. ic bidde u segghet mi wat ghi voor handen hebt. ende waer om ghi dolende sijt. Doen seyde heyndric ic soecke een maecht genaemt margrieta, ende is mijn suster. die verloren is also ghi wel hebt horen vertellen. ende nu hebben wi tijdinghe ghehadt datse sijn soude in athenen. Aldus gae ic dolen om daer te sijn. mer ierst wil ic by den bisschop van triere. ende helpen hem keeren dat onrecht datmen hem doet. ende dan so gae ick voort mijn suster soecken die schoone margrieta. Arnout seide. god geeft u gracie dat ghijse vinden moet. ic meende datse over lange tijt gevonden hadde gheweest. mer ick hore wel neens. Aldus quamen si al coutende tot dat si so verre quamen dat si saghen die stadt van triere daer. mer si ginghen die een side vander stadt om daer theyr lach om dien wech te schuwen. ende quamen aen die ander side vander stadt daer si in gelaten waren. mer ierst vraechden die wakers wie si waren. Ende doen seyden si dat si quamen den bisschop te hulpen ende dat tot sinen rechte. Die wakers waren blijde, ende si leidense tot des bisschopen hof. daer die bisschop

[pagina 37]
[p. 37]

was. die hem lieden teghen quam int ghemoet om heyndric ende sinen gheselle arnout te ontfanghen. Heyndric groete den bisschop met huesscher grueten nae sijnder weerden. ende so dede ooc arnout van ardennen. Die bisschop dedese beyde opstaen ende hi seyde. o vrome ridders god ende mi sijt willecome. tweert morghen eenen dach dat ic strijt ende velt sal moeten leveren teghen den hertoghe van loreynen. ende teghen alle syn medepleghers die mi te samen verongeliken Doen seyde heyndric van lymborch heer bisschop. hebt eens leeuwen herte in uwen buycke. maect eenen goeden moet. god sal den rechtvaerdighen bistaen. ende victorie verleenen teghen sijn vianden. Ende wi sullen nae ons macht u helpen keeren die fortse. of ghewelt diemen bedriven wil in u landt. Die bisschop dit horende sach op heyndric ende hi sach dattet een vroom man scheen seide hi. ic danc u der woorden van troost. ende hoe is uwen name. ick heete heyndric van lymborch seyde hi totten bisschop des hertoghen ottens sone. Doen verblijde hem die bisscop boven maten. om dat hy geboren was van so edelen gheslachte. ende hi maecte heyndric van lymborch generael capeteyn van alle sinen heeren. Heyndric sprac ende dancte hem seer ende seyde. ic en bens niet weerdich. mer eer morghen den dach eynden sal hope ict te verdienen in feyten van wapenen. Doen seyde die bisschop. ghi edel ridder volget mi in die sale. wi willen gaen eten ende drincken ende vrolic sijn. ende als den dach opgaet ons bereyden om vromelijc te vechten teghen onse vianden. Ende si deden beyde also die bisschop hem lieden beval. ende si volchden hem binnen totter hoochster salen. daer si twee willecome gasten waren.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken