Loyhier en Malaert

(1986)–Anoniem Loyhier en Malaert, Roman van– rechtenstatus


[Fragment Leiden, Ltk. 209]
[Folio 1ra]
Gheselle eydel vrome vrome Gode ende mi zijt wel come Malart die woorden wel verstoet blide was hi in den moet 5[regelnummer] Want hi kende wel loyhiere Ende beette neder vele schiere Ende namene in zinen arem [Ende] custene menich w[....] Malard zeide te gheere tide 10[regelnummer] Ne was ic noyt also blide Als ic nv bem deghen fier [Her..s.]t [...]s[..]en [..]r Uwen staet ende v. wesen Ic bem alre smerten genesen 15[regelnummer] Na dat ghi zijt ghesont Mi dinct ghi te gheere stont So wel en waert vp. v. lijf Segt mi here wat doet mijn wijf Ende sormarinde die vrouwe 20[regelnummer] Wel zij zijn zonder rouwe
[Folio 1rb]
Minen vader ende mi[.........] Ende ansayse des h[..........] Hem derden van kind[..........] Nu so wille wi m[..........] 25[regelnummer] Constantinoble [............] Den keyser en zul[...........] Gheen s[..]t[..]as w[........] Mochten wi den vr[...........] Ghecrigen : wi[e add.......] 30[regelnummer] Doe was daer bliscap groot Selue die heren [..........] [....dader]ooc naer die[......] Ansays ende Ogier Welcomden den ridder fier 35[regelnummer] Vtermaten herde zere Die bastaert was vten kere Maer die pays was gemae[..] Herde zaen ende ghesta[....] Biden toe doene van den h[....] 40[regelnummer] [Al] waer si beede buten kee[..]
[Folio 1va]
[.........]ren den keys[er] fijn [..........]lays marberijn [...........]menigen baroen [..........]die dese ottoen 45[regelnummer] [.........]zach groot gh[et]elde [.....]ieren vpten veld[e] [..........]gherande saet [...........]dat verstaet [..]r den keyser dat si quamen 50[regelnummer] [........]zeide om onse vramen [.]eue ons yemen goeden raet [..]dien dat ghescepen staet [.......] goet dat wi vut voeren [....]wile dat [si] zijn in roeren 55[regelnummer] [.]n te slane haer ghetelde [...........] hebben in onser gewelde [.]mtrent .xxxm. man [.e]lm vp thooft halsberch an [.]nde ghi here Coninc ottoen [...............]
[Folio 1vb]
60[regelnummer] Maer dat v volc mede vaerd Dies scaemdem die lombaert Ende ghinc hem inden wapijn doen Die coninc ontboot zine baroen Datter niemen make geluut 65[regelnummer] Maer dat men stillekine trake vut [H]i waende spaenyarden becrupen Ende al heimeliken beslupen Sulc waent sinen viant bedrieghen Die hem zeluen moet lieghen 70[regelnummer] Also was den keyser gesciet Min no mee in lieghe v. niet Vut onstantinoble der stede trac oursare dats waerhede Wel met .xxx^m. man 75[regelnummer] Die alle vruchten zinen ban Het waren alle goede lieden Ende tanesiene scon mesnieden IIJ. batailgen de keyser maect [S] cone [en]de w[el] [gher....]
[Folio 2ra]
80[regelnummer] Dat was hem .i. groot vordeel Malart besette dat cembeel Sinen here den vromen loyhiere Gaf hi deerste batailge sciere Ende hi zeide zonder bide 85[regelnummer] Ic zal zijn bi uwer zide Want het gaet ons beeden an Entie vader die mi ghewan Die sal dander batailge hebben Sone in wilse niet ontseggen 90[regelnummer] Seide die vrome galyen Die derde zo gaf hi mettien Sinen broeder den restoreit Herde node haddise ontseit De vierde gaf hi des zijt wijs 95[regelnummer] Den outsten sone ansays Die bi namen hiet gwyoen Die vijfte zinen broeder den baroen Die bi namenn hiet geraerd De zeste voerde die bastaert
[Folio 2rb]
100[regelnummer] Die goede zwaerden vten scoe Elc die ghinc andren toe die bastaert verhief zijn zwaert Ende slouch den ridder ter vaert Vpten helm die goet was 105[regelnummer] Dat hi craecte als .i. glas Ende tswaert zanc ten tanden dure Dat was den ridder zwaer auenture Hi sturte neder vp die heide Elc dede andr[e]n [....]ne vrede 110[regelnummer] Harentare vp dat velt Gheen scamel man stille en helt Alsoot es te wetene goet Menich drouch daer hogen moet Weder ende voort vp dat plain 115[regelnummer] Daer moeste menich eidel grain Neder vallen in den velde Die ligghende bleef in ongewelde Dat jamer was alte groot Ghinder was [...........]t
[Folio 2va]
120[regelnummer] Al nv zijn zij ghesconfiert Doe wasser zere gepongiert Men ghincker vechten zeere Malard maecte daer den heere Ende dede hem zere ontsien 125[regelnummer] Ende velletse bi .ij. bi .iij. Des keysers lieden harentare Hi maecte menige dode bare Niemen dorste zijns ontbiden Want hine wilde niemens miden 130[regelnummer] In eene batailge quam hi [g]ereden Daer vant hi dat sijn waerhede[n] Salemoene zinen waerd Daer loyhier hadde vertaerd So vele goeds daer te voren 135[regelnummer] Ogier zijn broeder vte vercoren Hadden tonder es mijn verstaen Den helm addi hem ofgedaen Ende zouden thooft of ebben yslagen [...............]
[Folio 2vb]
Galyene dat hi verzach 140[regelnummer] daerwaert reet hi wat hi mach Cort quam hi in zijn ghemoet Die haex hief hi metter spoet Ende slouch den coninc galyen Daer men toe mochte zien 145[regelnummer] Recht vpten helm bouen Dat hine te male heift yclouen Maer tbeckineel was zo goet Datter tswaert daer vp onstoet Maer die slach was zo groot 150[regelnummer] Dat ryc was in groter noot Ende galyen bleef in dole So was hi ghesent ter scole Van den keyser van grieken Hi maecter herde vele zieken 155[regelnummer] Van spaenyarden in dien daghe Galyen was van dien slaghe So an dole in gheere manieren [Ne] [c]onsti zijn paert bestieren

Vorige Volgende

[Fragment Leiden, Ltk. 209]