Middelnederlandsche geneeskundige recepten en tractaten, zegeningen en tooverformules

108.

Weet dat die vrauwen ghecrighen haere nature ghelijc den boemen. Wanneer dat een boem sine nature uute gheeft, so werdet gomme; ende wanneer eene vrauwe haere nature hute geeft, so werdet ghevenijnt. Ende weet dat eene rechte vrauwelike stonde ne vloyt corter no langher dan .iiij. daghe. Ende vrauwen die haere stonden ongherekent comt,

[p. 39]

of met pinen, of niet vulcomen comt, die sal nemen venkel, pedercellewortelen ende bivoet, ende dat sieden in goeden wine; ende als die wijn wel ghesoden es, so salment clinsen⁽¹⁾ dor eenen scoenen douc, ende dan salmer wit zuker toe doen ende maken eene siroop, ende ghevent der vrauwen drinken: ende allen spisen die su nut so moet si comijn eeten, toter tijt dat su ghenesen es.

(1) Hs. sclinsen.