Niederrheinische Liederhandschrift von 1574

[fol. 6r]

[Ach dü heimlichs leidenn]

1, Ach dü heimlichs leidenn
Wie krenckestů mich so haerdt,
Das ich dich feinns leib můes meidenn,
Aůff mich hatt niemandt acht,
seindt das ick hab verloerenn,
die hertzallerliebste mein,
Vůrwar es mich zůrnenn
Die mein die fein die fart dahin,
mich wůndert das ich so froelich bin.

2. Mit iamer vnd aůch mit schmertzenn.
Moeß ich mich scheidenn von ihr,
Das sich von grůndt seines hertzenn,
Erbarmen mocht ein heidt.
Darůmb feinns lieb so pitt ich dich,
Wolles nimmer vergessen mein,
So woll kan oder mag es mir nit gahnn,
Hertzeiniger troest, gedenck darahn
Kein lieber mensch ich ie gewahn.

[fol. 6v]

 

 

 

3. Daß ellendt mueß ich baůwenn,

 

dů mein aůsserwelter schatz,

 

Noch soll es mich nit rawenn,

 

Wie krenckesthů mich so hart,

 

Dů wilt von hinnenn fahrenn,

 

thůedt mir im hertzenn wehe,

 

Dů wilt von hinnen fahrenn,

 

der liebe Gott wilt dich gespaerenn

 

Jch froechte ich sehe dich nimmermehr.

 

 

 

4. Het ich nů das glůck vnd einen wůnsch,

 

nit mehr woltt ich begerenn

 

So bgert ich weder gelt noch gůedt,

 

dan allein dein freůndtlich zů mir kehren

 

so kan oder magh es nit anders sein

 

Wie groesser lieb wie schwerer pein

 

Darům mein herz in trawrenn můs stahn

 

Vnnd kan mir nimmer vergahn,

 

dweil ich dich feins lieb můes fahren laen.